РАК НА ТЕСТИСИ: Кои се првите знаци на болеста

Лекарите на мажите им советуваат самопреглед на тестистите од 15. година.

Мажите од раната младост, од својата 15. година, би требало да прават самопреглед на тестисите за да спречат потенцијален развој на рак, предупредуваат германските медицински стручњаци.

ПРВИ ЗНАЦИ

Иако е релативно редок, ракот на тестиси најчесто се развива помеѓу 15. и 40. година, напоменува Германското здружение на педијатри. Првиот знак на болеста не е болка, потенцираат лекарите, туку оток или јазол во големина на зрно грашок.

Ако се открие рано, ракот на тестиси често е излечлив само со операција. Во напредната фаза, меѓутоа, покрај операцијата потребна е хемотерапија и зрачење.

Иако метастатскиот облик на рак на тестиси донеодамна најчесто бил фатален, денес е видлив голем напредок во лекувањето, бидејќи се вклучени високи дози на хемотерапија и спасување на матичните клетки, кои значајно ја подобруваат дијагнозата. Затоа, стручњаците препорачуваат младите мажи внимателно да ги опипуваат тестисите еднаш во месецот. На тој начин, болеста може да се “фати“ во најрана фаза.

ПРИЧИНАТА НЕ Е ПОЗНАТА

Лекарите се согласуваат дека самопрегледот кај мажите треба да стане дел од рутина. Најдобро време за самопреглед е по туширање, откако кожата на скротумот е опуштена.

Физички промени или впечаток дека се присутни јазли во големина на зрно грашок или цреша, промени на тестисите во големината или во формата, знак е дека пациентот треба да побара стручна помош.

Редовната проверка на тестисите од страна на пациенот, ќе му овозможи јасна слика за тоа што е нормално, а што е невообичаено на овој дел од телото. Површината на тестисите треба да биде мазна, без задебелувања или јазли. Мала разлика во големината на тестисот е неважна и не е причина за загриженост, потенцираат германските стручњаци. Причината за рак на тестииси се уште е позната, иако се повреќе со поврзува со наследните карактеристики.