Во телото почнуваат да се случуваат големи промени и додека некои се одлични (поголема самодоверба и сексуален живот), на некои допрва треба да се привикнува.
Интолеранција на лактоза
Некои луѓе не можат да ги варат млечните производи уште од детството, а други тоа може да го развијат кога ќе ја пројдат 40-тата година од животот. Тогаш се намалува нивото на енизми кои помагаат во дигестијата на лактозата. Како резултат на тоа, млекото не може да се свари и предизвикува проблеми со цревата.
Забите стануваат помалку чувствителни
Доколку патите од чувствителност на забите, тој проблем може да исчезне кога ќе станете повозрасни. Тоа се случува поради дентинот – калцифицирано ткиво кое расте како времето поминува. Затоа и чувствителноста се намалува.
Станувате пониски
Луѓето стануваат пониски по 30-тите години и тие промени може буквално да се видат по 40-тата. Според податоци од медицинските стручњаци, мажите можат постапно да изгубат околу 2,5 сантиметри од 30 до 70 години, а жените може да се смалат за 5 сантиметри. За да ова не се случи, стручњаците препорачуваат внесување на доволно калциум, витамин Д и вежбање.
Метаболизмот се забавува
Ако со 40 години ги јадете истите оние намирници што сте ги консумирале на 20 години, ќе ставите некој килограм плус многу брзо. Метаболизмот се забавува и мускулите побрзо се губат. Стручњаците тврдат дека просечна жена се здебелува за 15 килограми меѓу 40 и 55 години. Затоа, прескокнувањето на физичка активност не доаѓа предвид.
Станувате попривлечни и посамоуверени
Психолозите тврдат дека жените со полни 40 години се многу посамоуверени од периодот кога имале 20, па и 30 години. Жените најчесто тогаш престануваат да се оптоваруваат со стиници, ги прифаќаат своите недостатоци, се ослободуваат од токсични личности и се посреќни. Во тој период луѓето повторно се проценуваат себе и луѓето околу себе. Така, и мажите и жените стануваат попривлечни во очите на останатите. Според некои истражувања на жените постари од 40 години им се подобрува и сексуалното задоволство.
Слухот и видот се влошуваат
Во периодот од 40-тата гходина, знае да дојде до далекувидност или други проблеми со очите. По правило на луѓето им треба повеќе светлина за читање, и исто така забележуваат промени во перцепцијата на боите. Друг проблем претставуваат и сувите очи. И слухот во овој период знае да се влоши. Тоа се слуува поради промени во структурата на мембраната на тапанчето и внатрешното уво.
Имуниот систем станува посилен
Кога ќе наполните 40 години, телото веќе било напаѓано од бројни вируси. Како резултат на тоа, имуниот систем станува посилен и ретко доаѓа до настинки. За да го подобрите иуниот систем, морате да се свртите кон здрав начин на исхрана и не ја заборавајте важноста на сонот.
Се менува сетилото за вкус
Кога се раѓаме имаме околу 9.000 рецептори за вкус. Како поминуваат годините, количината на овие рецептори се намалува, и почнува да се губат одредени сетила за вкус, обично почнува со солените и благите вкусови, па потоа со горчливите и киселите. Овие проблеми се почести кај жените. Овој процес, за жал, не може да се стопира, но тоа никако не значи дека не може да се разликуваат различните вкусови, туку дека тие ќе бидат помалку изразени.
