Пушењето е поврзано со голем број здравствени проблеми, вклучувајќи зголемен ризик од мозочен удар, заболувања на белите дробови, срцеви заболувања и рак. Според Cancer Research, тутунот предизвикува најмалку 16 различни видови на рак, вклучувајќи рак на белите дробови и цревата.
Сепак, оние кои успеваат да се откажат од пушењето можат да почувствуваат многу значајни промени во телото – некои дури и во рок од неколку часа.
Што се случува со телото кога ќе престанете да пушите?
Иако ризиците од пушењето се добро познати, на многумина им е тешко да се откажат од пушењето бидејќи веруваат дека штетата е веќе направена. Но, Британската национална здравствена служба (NHS) вели дека никогаш не е предоцна – откажувањето од пушење го подобрува здравјето без оглед на возраста и должината на пушењето.
Секој пат кога ќе запалите цигара, вашето тело е преплавено со токсични хемикалии. Но, штом ќе престанете, телото почнува да ги исфрла токсините и го започнува процесот на закрепнување, пишува Yahoo Life.
Придобивки од прекинување на пушењето
По 1 час – пулсот и крвниот притисок почнуваат да опаѓаат, иако може да се појават првите желби за цигара, 4–8 часа – нивото на кислород во крвта се подобрува и јаглерод моноксидот се преполовува, 12 часа – може да се појават чувства на тага и немир поради апстиненција, но ова е привремено. На долг рок, откажувањето го подобрува расположението и го намалува стресот, 24 часа – можна е раздразливост и вознемиреност, но и тоа поминува, 2-3 дена – јаглерод моноксидот исчезнува од телото, белите дробови се чистат, а се подобрува чувството за вкус и мирис, 3–5 дена – дишењето станува полесно како што белите дробови почнуваат да се опоравуваат и нивото на енергија се зголемува, 2 недели – циркулацијата се подобрува, кожата изгледа поздраво, косата станува посјајна, а заморот и главоболките се намалуваат, 1 месец – кашлицата, отежнатото дишење и свирењето во градите исчезнуваат, а здравјето на белите дробови се подобрува. Долгорочни придобивки- 3 месеци – функцијата на белите дробови се зголемува за 10%, по 1 година – ризикот од срцеви заболувања и срцев удар се намалува за 50%, по 10 години – ризикот од смрт од рак на белите дробови е преполовен во споредба со пушачите.
Како да престанете да пушите?
Ненадејно прекинување (нагло)- најприродниот, но и најтешкиот начин – прекинување одеднаш, без помош. Успехот зависи од нивото на зависност. Никотинска заместителна терапија (NRT), исто така, постојат никотински гуми за џвакање, лепенки, таблети за цигари, спрејови за нос и уста, хипнотерапија и советување, таа може да помогне на почетокот, особено со NRT. Советувањето помага да се идентификуваат причините за пушење и обезбедува поддршка, електронски цигари и уреди за вејпирање.
Според NHS, тие не се целосно без ризик и долгорочните ефекти сè уште не се познати, но се помалку штетни од пушењето и можат да ви помогнат да се откажете, особено со професионална поддршка.
