Кратка прошетка после вечера е одлична работа која можете да ја направите за своето здравје. Стручњаците секогаш напоменуваат дека после јадење никако не треба веднаш да се легне, туку е најдобро да се упатите на кратка прошетка, а одењето особено ќе биде корисно ако го практикувате по вечерата.
Долго време слушаме дека лесната прошетка по јадењето е една од најдобрите работи кои може да ги направите за своето здравје, но понекогаш ни се чини неизводлво, бидејќи наутро брзаме на работа, а по паузата за ручек често немаме време за прошетка.
Една студија покажала дека движењето после оброк е корисно и за спречување на дијабетес тип 2. Во студијата учествувале постари луѓе кои по јадењето оделе на подвижна лента, што влијаело на помали осцилации на шеќерот во крвта во наредните неколку часа. Понатаму, истражувањето открило дека кратките прошетки после вечерата се уште покорисни во намалувањето на нивото на шеќер во крвта отколку 45 минутно шетање во претпладневните или раните попладневни часови.
Овие сознанија секако одат во прилог на многумина кои преку ден немаат време за прошетка.
Што точно се случува во телото кога се движиме само 15 минути после вечерата?
“Мускулите кои ги користиме при движење ја користат глукозата за енергија, па така ја извлекуваат од циркулаијата и на тој начин се намалува глукозата од крвта. Значин најдоборото што може да го направите по вечерата е да станете од маса и да се движите“, вели Андреј Рејнолдс од Универзитетот Отаго во Нов Зеланд.
Со понатамошни следења, утврдено е дека пешачењето по јадење е многу поефикасно од одење пред јадење, кога станува збор за одржување на нивото шеќерот во крвта. Понатаму, истражувањата покажале дека шетањето го забрзува времето потребно храната од желудникот да дојде до тенкото црево, што може да го продолжи чувството на ситост по јадењето.Постојат и докази дека ваквата форма на брза дигестија ги намалува киселините во желудникот, како и останатите симптоми на рефлукс.
