Дали сте имале чувство на печење или жарење во желудникот, кое се шири кон грлото, а симптомите се влошуваат после јадење? Дали симптомите често се јавуваат за време на дневниот или ноќен одмор? Ако е така, можно е да се работи за желудочен рефлукс – состојба во која киселината од стомакот се враќа во хранопроводот, предизвикувајќи болка, непријатност и чувство на печење во грлото и градите.
Во овој случај најважен совет е да ја смените вашата исхрана, а во продолжение прочитајте кои намирници треба да ги одбегнувате:
Пржена храна
Пржено месо, помфрит или некои грицки кои може да поттикнат лачењето на желудочна киселина во хранопроводот, бидејќи содржат големи количини на масти. Дури и ако ја пржите рибата на маслиново масло, симптомите може да се појават. Се што планирате да пржите подобро е да го приготвите на пареа или скара и така ќе ги избегнете проблемите.
Кафе
Тешко е да се прифати, но кафето е вашиот непријател ако страдате од киселина. Наместо кафе, направете зелен чај или намалете ја количината – пијте кафе еднаш дневно.
Млечни производи
Избегнувајте полномасно млеко, павлака, чоколадно млеко и сирења со интензивен вкус, бидејќи тие го стимулираат производството на киселина. Пробајте бадемово млеко или кокосово млеко како замена.
Алкохол
Виното и пивото се сигурни предизвикувачи и треба да се избегнуваат.
Чоколадо
Ако страдате од рефлукс, чоколадото е, исто така, ваш непријател кој често предизвикува проблеми. Кофеинот и какаото докажано ги влошуваат симптомите.
