Ако сега ве прашаме на која страна спиете, можеби и не го знаете одговорот бидејќи штом ќе легнете и ќе ги затворите очите, вие сте потонале во сон. Вистина е дека малку внимание посветуваме на положбата во која спиеме, фокусот е секогаш на тоа што побрзо да заспиеме и удобно да се сместиме. Можеби мислите дека најлошата последица која може да се случи по спиењето во некоја положба е болка или непријатност во вратот и грбот, но нови студии покажале дека една специфична положба може да влијае на здравјето на вашето срце. Прочитајте што советуваат стручњаците, во која положба да спиете.
Иако медицината не може да се пофали со голем број истражувања на оваа тема, некои научници се занимавале со прашањето како спиењето во одредена положба може да влијае на здравјето на срцето. Таква студија е спроведена на 40 лица, од кои 18 имале дијагноза на болест на срцето, а 22 лица биле комплетно здрави. По пат на ЕКГ се следела активноста на срцето кога испитаниците ги менувале положбите на спиење, а резултатите покажале дека најголеми промени се забележани кај оние лица кои спиеле на лева страна.
ЗОШТО Е ОПАСНО ДА СЕ СПИЕ НА ЛЕВАТА СТРАНА?
Друга независна студија од пред една година, исто така користела ЕКГ за да го следи однесувањето кај 9 испитаници и резултатите биле многу слични, па се покажало дека најмногу промени на работата на срцето се евидентираат кај испитаниците кои спиеле на левата страна.
За споредба, никакви промени не се забележани кога учесниците спиеле на десна страна. Сликовниот приказ покажал тенок слој ткиво помеѓу белите дробови што всушност го држи срцето на место кога спиете во таа положба.
И додека некои пациенти на кои им е дијагностицирано конгестивно затајување на срцето приваиле проблеми со дишењето или нелагодност кога спијат на левата страна, не постојат докази дека спиењето на левата страна ќе го зголеми ризикот од болести на срцето ако веќе немате некаква состојба.
Според д-р Кристофер Винтер, директор на болницата Марта Џеферсон, станува збор за циркулација на крвта. Како што крвта влегува во срцето преку горната десна страна, ако спиете на неа, може да се создаде притисок врз големите крвни садови кои го хранат органот. “Сепак, спиењето на левата страна и без притискање на десната страна исто така може и да го зголеми протокот на крв во срцето“, додава д-р Винтер.
КОЈ ИМА БОЛЕСТИ НА СРЦЕТО НЕ БИ ТРЕБАЛО ДА СПИЕ НА ГРБ И ЛЕВА СТРАНА
Секако, советот за положбата на спиење може да биде поинаков за оние со срцеви заболувања, а препораките треба да бидат кажани од вашиот лекар. Некои лекари ќе ја поддржат идејата дека е мудро да избегнувате да спиете на левата страна.
“Оние кои имале проблеми, или сè уште ги имаат, а се поврзани со здравјето на срцето, треба да спијат на десната страна бидејќи на тој начин срцето ќе работи и ќе одмора мирно. Токму оваа навика може да ги спречи проблемите со дишењето и непријатноста со спиењето“, додава д-р Винтер.
Некои стручњаци додаваат и дека спиењето на грб може да додаде некои проблеми, а според нив, може да се влоши состојбата со апнеа во сон, а и лицата кои страдаат од овој проблем имаат поголеми шанси да доживеат болести на срцето.
