На пример, недоволната количина на сон може да доведе до дијабетс, прејадувањето поради емоционален стрес може да води до прекумерна телесна тежина.
Кога се работи за здравјето на срцето, листата на опасни навики се проширува. Кардиологот Хуан Ривера и неговата соработничка д-р Сабрина Хернандез предупредуваат дека е потребно да се научи како да се погрижите за тоа да срцето ни остане здраво што подолго.
НЕ СТЕ ЈА ПРОУЧИЛЕ ДОБРО КЕТО ДИЕТАТА
Кето диетата може да помогне ако целта ви е намалување на килограмите, но важно е добро да ја проучите како оваа диета се спроведува правилно и да разговарате со стручно лице за да одлучите дали е тоа вистинска диета за вас.
“Кога кето диетата се спроведува неправилно, лицето може да внесува премногу заситени масти, што на крајот може да води до зголемување на нивото на лош холестерол, а токму тој е еден од одлучувачките фактори при развојот на кардиоваскуларни болести“, појаснува д-р Ривера.
Ако се одлучите да ја испробате кето диетата, д-р Ривера советува да се концентрирате на добрите масти – риба, авокадо, јаткасти плодови.
ЈАДЕТЕ ПРЕМНОГУ СЛАДОЛЕД
Ова всушност се однесува на било кои слатки што се полни со шеќер и маснотии, бидејќи токму овие состојки придонесуваат за развој на кардиоваскуларни заболувања. Не мора да се комплетно да се откажете од десерти, туку треба да ги јадете само повремено, а не секојдневно, додава д -р Ривера.
НЕ ЈАДЕТЕ ДОВОЛНО РАСТИТЕЛНИ ВЛАКНА
Влакната се важен дел од исхраната, но особено ако сакате да се грижите за здравјето на срцето.
“Влакната се природен детоксикациски агенс на кој се потпираат и цревата и срцето. Се покажа дека влијаат на намалување на холестеролот и служат како пробиотик за цревата кој помага во одржување на здравјето на срцето и целото тело. Списокот со намирници со растителни влакна е долг, но овесна каша, мешунки, грав, јаболка, цитруси и морков се добар избор.
ЈАДЕТЕ НЕСВЕСНО
Д-р Хернандез посочува дека несвесното јадење, што значи да си дозволите да бидете расеани кога јадете, може да биде многу лошо за здравјето на срцето.
“Кога сте сконцентрирани на секој залак, ќе се чувствувате како да имате поголема контрола. Но, емоциите, стресот или многу тежок дневен распоред може само да го отежнат спроведувањето на овој совет и лесно е да се превиди колку јадете. Иако свесното јадење нема стопроцентно да помогне при решавање на сите проблеми, може да помогне да не се прејадувате и да не консумирате храна што е лоша за вашето здравје.
НЕ КОНСУМИРАТЕ НАМИРНИЦИ ШТО СЕ ЗДРАВИ ЗА СРЦЕТО
Ова се намирници кои се добри за здравјето на срцето, а д-р Хернандез предлага што е можно повеќе да ги вклучите во исхраната. Денес, сите се зафатени, па затоа би било мудро да одвоите време за време на викендот или во понеделник за да направите список со здрави намирници и да ги набавите за цела недела, така што тие секогаш ќе ви бидат при рака.
Иако постојат многу намирници кои се добри за здравјето на срцето, д-р Хернандез како најдобафр избори ги издвојува лосос, житарки, авокадо, овошје, јаткасти плодови.
ВНЕСУВАТЕ ПРЕМНОГУ КАЛОРИИ
Премногу калории во оброците можат многу да влијаат на здравјето на срцето, дури и ако тие калории се од добри намирници.
“Прекумерниот внес на калории значи и дека тие некаде се складираат, а тоа предизвикува големи проблеми во телото како што се покачен холестерол и триглицериди“, вели докторот, додавајќи дека не се работи само за масна и слатка храна, туку и за брокула, лосос и киноа може да биде штетно ако се претера.
