Стомачни грчеви, нагли промени во расположението, главоболки и нередовни циклуси се само некои од симптомите на ендометриоза, состојба во која ткивото на матката расте и ги зафаќа другите делови на телото, при што може да ги зафати јајниците, јајцеводот, надворешниот дел на матката, дебелото црево и други внатрешни регии. За време на менструалниот циклус, ткивото се оштетува и може да предизвика интензивна болка.
Истражувањето објавено во 2017 година во списанието „Ginekologia Polska“ укажува на нејасната поврзаност помеѓу храната и ендометриозата, иако научниците пронајдоа докази кои упатуваат на тоа дека оваа болест се јавува помалку кај жени кои јадат многу овошје и зеленчук, рибино масло, млечни производи и омега-3 масни киселини. Од друга страна, се чини, дека жените кои внесуваат храна богата со масти, транснезаситени масни киселини, алкохол и говедско месо (заедно со други црвени меса), се изложени на зголемен ризик од ендометриоза.
Кои намирници треба да се избегнуваат ако имате ендометриоза?
На жените со ендометриоза им се советува да избегнуваат храна со висока содржина на масти, бидејќи може да го зголемат нивото на естроген во телото. Колку повеќе масти во исхраната, толку повеќе се произведува естроген. Ова, исто така, се случува и ако имате прекумерна тежина.
Користете органска храна секогаш кога можете и лупете го овошјето и зеленчукот пред консумирање
Жени со ендометриоза треба да одбегнуваат мрсна храна, како што е црвено месо и млечни производи богати со масти, кои имаат високо ниво на полихлорирани бифенили (PCB) и диоксини. Користете органска храна секогаш кога можете и лупете го овошјето и зеленчукот пред консумирање. Некои истражувања укажуваат на поврзаноста на диоксините во околината и зголеменото ниво на естроген.
Во рецензијата објавена во 2017 година во списанието „Oxidative Medicine and Cellular Longevity“ се опишува врската помеѓу оксидативниот стрес, слободните радикали и ендометриозата. Дополнителни истражувања покажаа дека недостатокот на антиоксиданти може да придонесе за појава на оваа болест, додека клучни антиоксидантни хранливи материи како што се селен и витамини А, Ц и Е, можат да помогнат во одржување на ендометриозата под контрола.
Исто така, треба да се избегнуваат агруми како грејпфрут и портокал, бидејќи можат да го иритираат желудникот и да попречат на начинот на кој естрогенот се излачува од телото. Кога ќе исклучите одредена храна од исхраната, не заборавајте да пронајдете алтернатива за да се избегне недостатокот на одредени хранливи материи.
