Спиењето со отворена уста може да остави сериозни последици по здравјето, а еден од проблемите може да биде погубен за забите до тој степен што дури и може да останете без нив. Имено, струењето на воздухот меѓу нив може да резултира со исушување на плунката, која е инаку заштита за забите. Сето тоа може да има ист негативен ефект како и газираните пијалаци. Исто така, недостатокот на плунка може да предизвика и непријатен здив.
Ако доволно сте спиеле, а и понатаму се чувствувате поспано и уморно, причина, исто така, може да биде спиењето со отворена уста. На тој начин помал е дотокот на кислород во белите дробови, што предизвикува умор и исцрпеност.
Придружен ефект на сето ова можат да бидат и исушените и испукани усни, а спиењето со отворена уста може да предизвика и абнормално голтање. Имено, кога устата ви е сува, веројатно, ќе го притиснете јазикот нанапред за да голтате наместо да ја затворите устата.
