Некогаш се случува нешто што го правиме со најдобра намера, всушност да ни штети. Една таква ситуација се случува при миењето на забите. Стоматолозите предупредуваат што не би требало да правиме додека ги миеме забите, затоа што со оваа навика само го намалуваме дејството на пастата за заби.
Премногу силно и прекратко миење на забите се некои од најчестите грешки кои ги правиме, но стоматолозите предупредуваат дека постои една, уште поголема грешка со која веднаш би требало да запреме зашто не само што го намалува, туку и го поништува дејството на забната паста.
Имено, многу од нас веднаш после миењето на забите прават гаргара со водичка за плакнење уста со намера уште подобро да ја исчистат усната шуплина, а со тоа всушност добиваат спротивен ефект. Тоа се случува затоа што таа ги измива сите состојки од пастата за заби кои се битни за одржување на здравјето и белината на забите, па заради тоа плакнењето е најдобро да се прави најмалку еден час по миењето на забите. Бенефитот од ваквиот распоред е и тоа што така ќе ги чистите забите, на пример, четири пати, наместо два.
