90 отсто од кашлиците се последица на алергија, напорна настинка, загадување на воздухот, рефлукс или како нус појава на некој лек. Кај некои пациенти упорната кашлица може да биде симптом на воспаление на белите дробови, хронична астма, хронични белодробни болести, белодробна фиброза, а во некои случаи и рак на белите дробови. Упорната кашлица го попречува сонот, вашите мускули се истегнуваат, се потите и чувствувате вртоглавица. Гласот ви станува погруб, а во некои случаи бешиката попушта.
Ако имате хронична кашлица обавезно појдете на лекар затоа што упорната и долга кашлица не е нормална. Кашлицата предизвикана од настинка трае 4 до 6 недели, а со текот на времето состојбата се подобрува. Доколку сте имале некоја тешка настинка, кашлицата ќе се подобри после 6 до 8 недели. Доколку имате кашлица која не е предизвикана од некоја конкретна настинка или болест, а трае подолго од 8 недели – обавезно појдете на лекар.
Доколку кашлате гласно и интензивно тогаш тоа е лошо, особено ако кашлицата ве буди во текот на ноќта. Силна кашлица може да биде симптом на сериозна инфекција, но секоја кашлица која ви ги отежнува секојдневните активности бара лекарска помош. Доколку станува збор за продуктивна кашлица, жолт или зелен шлајм укажуваат дека станува збор за некоја посилна инфекција, и неопдходна е лекарска помош.
Слично е и со хроничната кашлица заради која сте уморни, имате болка во градите и стомакот, но и ако бешиката ви попушта.
Крв во исплувокот е аларм дека ви треба лекарска помош и тоа што поскоро. Најчесто причина за ова е бронхитис, но може да е и пневмонија и да ви е неопходно скенирање на белите дробови. Течењето од носот и сувото грло укажуваат на настинка, додека губењето на здивот укажува на посериозен проблем како што е астма, туберкулоза, рак на бели дробови или застој во работата на срцето. Астмата често се манифестира и со болка во градите и свирење на белите дробови при дишење. Туберкулозата ја следи губење на телесната тежина, додека отекувањето на нозете особено во лежечка помоложба укажува на инфаркт. Температурата е симптом на пневмомија, бронхитис или враќање на настинката. Појдете на лекар ако имате висока температура, губите здив или чувствувате болка во градите.
