Која кашлица е поопасна – сувата или продуктивната?

Иако повеќето пациенти сметаат дека сувата кашлица е поопасна, бидејќи е најчеста при рак на белите дробови, истото важи и за кашлицата со која се исфрла секрет од бронхиите.

Кашлицата во екот на респираторните инфекции е вообичаена, но ако трае еден или повеќе месеци од прележаната настинка, неопходна е посета на доктор.

„Сувата кашлица, без искашлување, може да биде многу упорна и напорна„, оценуваат пулмолозите.

Тие потенцираат дека освен на вирусни инфекции, кашлицата може да укажува и на малигна болест на белите дробови, тумор на главната дишна цевка, а опасна е и заради можни компликации како што се пукање на белодробната марамица и фрактура на ребрата, па дури и на појава на белодробна емболија. 

Иако многу пациенти сметаат дека сувата кашлица е поопасна, бидејќи најчесто е симптом за рак на белите дробови, но истото важи и за кашлицата преку која се исфрла секретот од бронхиите.

„Освен секретот кој може да биде бел, пенлив, стаклест и обоен, пациентите може да искашлуваат и крв и гној„, објаснуваат пулмолозите.

„Овој вид на кашлица, исто така може да укажува на рак на белите дробови, но и туберкулоза и гноење на белите дробови. Во случај на гноење или апсцес, за кратко време може да се искашла голема количина на гној„.

Лекарите напоменуваат дека ако со кашлањето се исфрла голема количина секрет, причината може да биде во проширените бронхии, кои најчесто се вродени.

„Најфатална компликација од продуктивното кашлање, односно искашлување крв и гној е загушување кое може да доведе до смрт„, велат стручњаците.

Било да е сува или продуктивна, секоја кашлица треба да се следи.. Доколку потрае, најчесто е доволно да се направи рендгенска снимка за поставување на вистинската дијагноза.