Менталното прегорување или таканаречениот “Burn-out“ синдром на работното место стана многу честа појава, а последиците на човековото психичко и физичко здравје се сериозни. Доколку чувствуате некој од петте наведени симптоми, време е за промени.
Ова се пет показатели за “синдром на прегорување“ на работа:
- Болка – Повторувачка болка како главоболка, болка во стомакот, болки во мускилите
- Лутина – Експлозивни сте и лесно некој може да се налути
- Рамнодушност – Сте изгубиле мотивација и интерес за својата работа
- Цинизам – Се чувствувате песимистично и цинични сте кон се што се случува околу вас
- Замор – Без разлика колку добро сте спиеле или сте се одморале, и натаму се чувствувате заморно и пасивно.
Ако верувате дека сте прегореле, секогаш можете да побарате стручна помош. Доколку чувствувате присутност на било кој од симптомите подолго од две недели и ако симптомите ја нарушиле вашата способност за нормално функционирање, треба да се обратите кај својот лекар. При тоа, треба да размислите колку и сами можете да си помогнете. Добар почеток е поставување на прашањето: “Колку добро се грижам за себе и за своите лични потреби?“.
Не треба да бидете престроги кон себе ако имате чувство дека не грижите доволно за себе. Повеќето луѓе би требало повеќе да се грижат за своето ментално и физичко здравје.
Ако не знаете од каде да почнете, одговорот е: вежба, сон, свесност, дружење и исхрана.
Истражувањата покажале дека здравите навики во тие области може да помогнат и на ментално и на физичко поле. На петте наведени клучни полиња секој може да ги спроведе следните вежби со цел да поттикне опоравување.
ВЕЖБА – Дневно е потребно најмалку 30 минути физичка активност, која може да се прави во пократки интервали (три пати по 10 минути растегнување, прошетка, едноставни домашни вежби).
СОН – Човек треба да си постави ритам на спиење што му одговара и секоја вечер, дури и преку викенд да си легнува во кревет и наутро да се буди во исто време.
СВЕСНОСТ – Секој ден треба да освестите и барем 10 минути дневно да си посветите на себе и на размислување.
ДРУЖЕЊЕ – Секојдневно треба да се дружите со семјеството и со пријателите. Тоа може да биде телефонски повик, кратко дружење на кафе или нешто друго, зависно од времето и можностите.
ИСХРАНА – Исфрлете од исхраната преработената ии брза храна, и водите свој личен дневник на исхрана.
Целта е истовремено да се работи на сите пет полиња кои битно влијаат на општото здравје. Не е добро да се одбере едно или повеќе полиња, а останатите да се занемарат. Најдобро е со мали чекори да воведувате новини и полека да ги менувате своите животни навики.
