Слабата циркулација може да предизвика сериозни нарушувања на здравјето и да доведе до појава на висок крвен притисок, проблеми со срцето, оштетување на органите, мозочен удар, проширени вени, проблеми со бубрезите. Она што е особено важно е дека при лошата циркулација телото не ги добива основните потреби за нормално функционирање. Лошата циркулација е проблем кој се јавува кога протокот на крв е ограничен на одредени делови од телото. Најчесто проблем претставуваат екстремитетите, особено прстите. Но, лошата циркулација не е исклучено да се појави на било кој дел од телото. Како најчеста причина за недоволна циркулација, односно акумулирање на талог во внтарешноста на крвните садови и капилари со што се попречува нивната нормална функција, е присуството на масти во внатрешните ѕидови на клетките.
Во повеќето случаи кај возрасните, главна причина за лошата циркулација е начинот на живот и недостатокот на вежбање, како и премногу масна и слатка храна. Препознајте слаба циркулација според овие симптоми:
- студени нозе и прсти – не само во зимски услови;
- ладни раце и прсти;
- сува кожа, и покрај доволно вода за пиење;
- отоци и задржување на вода особено во нозете;
- грутки во крвните садови и проширени вени;
- чувство на вкочанетост во одредени делови од телото, особено на екстремитетите;
- главоболки; замор или недостаток на енергија поголемиот дел од времето;
- чести вртоглавици
