Ако во период од 6 месеци сте загубиле повеќе од 10 проценти од телесната маса тогаш е време да појдете на лекар. Наглото и неочекувано губење на телесната маса е симптом за многу заболувања, најчесто засилена функција на тироидната жлезда, но и дијабетес, депресија, заболување на црниот дроб, малигни заболувања или некое од автоимуните заболувања.
Долготрајна зголемена температура. Ова не секогаш е алармантен симптом, но ако ваквата состојба потрае повеќе од 7 дена тогаш секако треба да појдете на лекар.
Недостаток на воздух. Доколку овој симптом се повторува или се јави како неможност да вдишете, да се гушите и да се борите за водух, секако, треба да одите на лекар. Недостатокот на воздух или гушењето може да биде знак на хронично опструктивни болести на белите дробови, асма или воспаление на белите дробови, но и белодробна емболија и некои срцеви заболувања. Недостатокот на воздух, исто така, може да биде и симптом на панично анксиозни напади. Ако препознаете ваков симтом, веднаш појдете кај вашиот лекар.
Ненадејна промена во работата на цревата. Ако забележите зачестени столици, појава на крв или црна боја на фецесот, дијареи или неконтролирана потреба да одите во тоалет заради голема нужда, секако, треба да побарате стручна помош. Промената во работата на цревата и исфрлањето на штетните материи од организмот се знак за инфекции, обично салмонела или хеликобактер, но и некои сериозни заболувања како иритабилен синдром на цревата или рак на дебелото црево.
Промени во расположението и однесувањето. Токму така, на лекар треба да појдете ако забележите: ненадејна збунетост, дезориентираност во времето и просторот, ненадејни проблеми со концентрацијата или памтењето, нагли промени во расположението, агресивно однесување или ненормално однесување кога се во прашање сексуалните односи. Вакви и слични проемни можат да бидат резултат на разни заболувања, од анемија и варирање на нивото на шеќер во крвта, па се до неуроза и васкуларни заболувања на мозочното ткиво.
Чувствувате прејаденост и после мошне мало количество храна?! Ако овој симптом се повторува и се манифестира со појава на мачнина, чувство на надуеност, повраќање и губиток на телесна тежина, тогаш е време за помош. Чувството на ситост после мало количество храна е симптом на инфекција на желудникот од хеликобактерија, но некогаш и знак дека постои гастроезофаген рефлукс (ГЕРД) или иритабилен колон. Но вакви симптоми знае да даде и ракот на панкреас.
Искри пред очите. Светлосните феномени кои можат да се јават пред очите во различни ситуации и периоди од денот можат да бидат знак на мигрена. Мигренските главоболки често почнуваат со аура, светлосни пречки во вид на бели дамки во видното поле, блескање, искри пред очите. Ваквите пречки можат да се случат и при заболување на ретината на окото. Штом забележите слични симптоми, веднаш на контрола!
