Соковите се одличен начин да му обезбедите доза здравје на вашиот организам.
Целерот ја зајакнува хлороводородната киселина, главна состојка на стомачната киселина, и му помага на црниот дроб да произведе жолчка која е потребна за нормална апсорпција на маснотиите во цревата. Исто така, обезбедува минерални соли кои делуваат против Епштајн-Баровиот вирус, најпознат по тоа што предизвикува мононуклеоза. Целерот придонесува за работата на централниот нервен систем и за стабилизирање на функцијата на надбубрежните жлезди, а, исто така, го стимулира производството на тироиден хормон Т3.
Јаболкото има противвоспалително дејство врз тироидната жлезда, бидејќи го изгладнува Епштајн-Баровиот вирус (EBV). Како што пектинот влегува во дигестивниот систем, ослободува фитохемикалии кои се врзуваат за EBV, опкружувајќи ги вирусните клетки, така што тие не можат да се хранат и размножуваат.
Ѓумбирот помага при асимилација на хранливите материи и ублажување на грчевите. Тој е моќен антивирусен лек поради содржината на витамин Ц, а една од неговите посебни особини е способноста да го врати телото од реактивна состојба преку смирување на нервите и мускулите. Ѓумбирот помага да се постигне рамнотежа на тироидната жлезда.
Коријандерот, пак, се врзува за токсични тешки метали како што што е живата и оловото, кои го хранат Епштајн-Баровиот вирус. Исто така, се врзува за невротоксините на EBV кои можат да предизвикаат болка, воспаление, депресија и анксиозност.
Потребни состојки:
- 1 целер во листови
- 2 јаболка, исечкани
- 1 китка коријандер
- 5 до 10 см свеж ѓумбир
Подготовка: Ставете ги сите состојки во соковник и направете сок. За најдобри резултати, испијте го сокот на празен желудник.
Совет: Овој сок може да го прилагодите на вашиот вкус ако го замените целерот со 2 краставици или коријандерот со китка свеж магдонос. Во зависност од соковникот, потребно е повеќе или помалку ѓумбир. Прилагодете ја количината на вашиот вкус.
