Ризикот од добивање рак на кожата е поголем доколку некој член на семејството има или имал карцином, доколку имате чувствителна или проблематична кожа, изложени сте на бројни третмани кои се користат со рендгенски зраци, пушач сте… За навреме да ги препознаете промените треба да знаете дека постојат три типа на тумори на кожата: базоцелуларни, планоцелуларни и меланом.
Базоцелуларниот е најчест облик на карцином на кожата и главно ги зафаќа областите кои се најизложени на сончеви зраци (врат, лице и раце).
Меланомот е најредок облик и не е лесно да се препознае на прв поглед, затоа што често изгледа како младеж.
Планоцелуларниот е сличен на базоцелуларниот и се јавува во внатрешните органи (уста, гениталии).
Симптомите за секој облик не можат да се разграничат, затоа што многу се преклопуваат. Ова се најчестите симптоми кои не би требало да се игнорираат:
- Асиметричен облик на младежите – замислете црта која поминува во средината од младежот, половините мораат да бидат еднакви. Доколку не се, младежот е асиметричен.
- Неправилни рабови на младежите – Доколку рабовите се неправилни, тоа е знак за предупредување. Исто така, треба да бидат и мазни.
- Младежите добиваат темна боја или се забележуваат повеќе различни нијанси.
- Младежи кои растат – почести се случаите на канцер кај младежите поголеми од 6 мм.
- Младежи кои крвават или болат.
- Акни или црвени дамки кои не исчезнуваат.
- Модринка на стапалото која не поминува.
- Изложеност на хуман папилома вирус.
- Хронична рана – обично се однесува на проблеми со устата, па најчесто се предупредуваат пушачите.
- Кафеави или црни линии под ноктите.
- Суви задебелени делови на кожата кои се лупат – што може да биде и знак за екцема, псоријаза или едноставно сува кожа, но доколку не реагира на креми, треба да се провери за што станува збор.
