Доктор Мајкл Керол, професор за репродуктивно здравје на Универзитетот Манчестер Метрополитен, вели дека оваа алергија најчесто ги погаѓа жените на возраст од 20 до 30 години. Симптомите се јавуваат веднаш или најдоцна еден час по изложување на спермата. Имуниот систем во случај на алергија на сперма се однесува како при алергија на полен.
Чувствителноста на сперма, често погрешно се дијагностицира и тоа поради сличноста со други заболувања како дерматитис и некои полово преносливи болести.
СИМПТОМИ:
- Иритација
- Чешање и пецкање на секој контакт на кожата со сперма
- Пецкање и чешање по сексуален однос
- Отоци
- Црвенило
- Пликови по целото тело
- Повраќање
- Мачнина
- Дијареа
- Болно мокрење
При контакт со спермата може да дојде до пречки во крвниот ситем и отекување на дишните патишта, што може да доведе до губење на свест, гушење, а во екстремни случаи и до смртоносен анафилактичен шок.
За време на своето истражување на овој тип на алергија, д-р Керол споменатите алергиски реакции ги утврдил кај 12 од 100 испитани жени. Студијата покажала дека алергијата е предизвикана од гликопротеин, кој се наоѓа во семената течност. Тоа значи дека секоја жена кај која е дијагностицирана оваа алергија, ќе биде алергична на спермата на секој маж и дека проблемот нема да се надмине со промена на партнерот.
Доколку постои сомнеж за алергија на сперма, треба да се напарави тестирање, бидејќи половина пациенти кои се алергични на сперма, реагираат и на други алергени. По утврдувањето на ваквата алергија, истата може и да се спречи, со користење на заштита при сексуалниот однос.
