Алергијата на лекови може да изненади

До алергија на лекови доаѓа кога имуниот систем реагира несоодветно на лекот. Бројни лекови може да предизвикаат алергија, а најчести знаци се осип или температура.

Алергиска реакција на лек може да се појави во секое време, дури и ако претходно сте го земале тој препарат и немало никакви реакции. Повеќето реакции на лекови не се симптоми на вистинска алергија и не го напаѓаат имуниот систем. Алергија на лекови и реакција на лекови често знаат да збунат, бидејќи може да предизвикаат слични симптоми..

Некои алергиски реакции може да бидат тешки и опасни по животот.

Многу алергиски реакции почнуваат во рок од неколку минути од земањето на лекот. Симптомите вклучуваат осип по кожата, уртикарија, чешање, треска, отекување на лицето, краток здив и анафилатички шок, кој е редок и бара итна медицинска помош.

Симптомите најчесто почнуваат во рок од неколку минути по примањето на лекот и вклучуваат стеснување на дишните патишта и грлото што предизвикува проблеми со дишењето, шок со пад на крвниот притисок, слаб или забрзан пулс, мачнини, повраќање или пролив, вртоглавица или губење на свеста.

Доколку дојде до анафилактички шок, имуниот систем реагира на лекот како на напаѓач. Тоа доведува до ослободување на хистамин и други хемикалии кои се причина за алергиските симптоми. Имуниот систем реагира на ист начин ако лекот се земе и во иднина. Меѓутоа, имуниот систем се менува со тек на времето и на крај е можно алергијата да помине сама од себе.

Доколку се појават реакции на лекот или ако се појават било какви симптоми на алергија, потребна е лекарска консултација.  Блага алергиска реакција обично се лекува со престанување на земање на лекот и премин на нов лек. Но, сепак потребно е одење на лекар, бидејќи тоа ќе помогне да се идентификува причината и да се добие соодветно лекување, доколку е потребно. Ако станува збор за тешка реакција, или сомнеж за анафалактички шок, треба веднаш да се отиде на лекар.

Не е јасно зошто некои луѓе развиваат алергија на лекови, или други нуспојави, додека други не. Наследниот фактор може да игра улога, заедно со еколошките фактори и земањето на бројни лекови со тек на времето.  

Алергии често предизвикуваат пеницилинот, антибиотиците слични на пеницилин и антибиотици кои содржат сулфонамиди. Антибиотиците, исто така може да предизвикаат реакција како што се мачнина или дијареа.  

Иако изгледаат како алергија, во прашање е нуспојава на лекот, или знак на чувствителност на лекот. Поголем ризик од развој на тешки реакции на лекови имаат лицата кои боледуваат од астма, болести на срцето и висок крвен притисок.