Семејство, работа, сметки, обврски и недоволно време се некои од причините за стрес кој е еден од главните виновници за многу болести. Ова се знаци дека сте под стрес и дека е време нешто да промените.
ЦРВЕНИ ДАМКИ (не се алергија)
Кога телото доживува преголем стрес, неважно дали е во прашање краткорочен или долгорочен стрес, се активира имунитетот и телото почнува да испушта хемиски хистамин за да се бори против “болеста“. Ако стресот не исчезне, во суштина ќе се развие силна алергиска реакција. Кога имунитетот е ослабен од стрес, кожата може да ја надразнуваат работи на кои никогаш претходно не реагирала – како што се сапун, жештина, ладно, лосиони или детергенти за перење алишта.
НАГЛИ ПРОМЕНИ ВО ТЕЖИНАТА
Стресот предизвикува ослободување на хормонот кортизол, што ја намалува способноста на телото да го преработува шеќерот во крвта и го менува начинот на кој се метаболизираат маснотиите, протеините и јаглехидратите, што може да доведе до зголемување или намалување на телесната тежина.
ЧЕСТИ ГЛАВОБОЛКИ
Ако никогаш не сте страдале од главоболка, а одеднаш се чувствувате дека главата постојано ви пука, можеби сте под преголем стрес. Стерсот ослободува хемикалии кои може да предизвикаат промени на нервите и крвните садови во мозкот, што доведува до главоболка. Вообичаено е епод стрес да се напнуваат мускулите, што исто така може да предизвика главоболка.
