Синдромот на иритабилно црево е честа хронична болест која може да биде многу непријатна, а за да се држи под контрола, потребно е да се променат животните навики или да се земаат лекови.
ШТО Е СИНДРОМ НА ИРИТАБИЛНО ЦРЕВО?
Синдром на иритабилно црево е термин кој се користи за различни симптоми кои често се појавуваат заедно. Самите причини за оваа состојба не се познати, но можно е да се појави поради ослабен имун систем или пречувствителност на дебелото црево. Кај некои луѓе може да се појави и поради стрес, лекови или инфекции. Овој синдром не е опасна по живот состојба, но може да биде многу непријатен. Сепак, важно е да се напомене дека нема да предизвика поопасни проблеми или болести на цревата.
КАКО СЕ ПРЕПОЗНАВА ОВОЈ СИНДРОМ?
Симптомите често се присутни подолг временски период. Некои луѓе ќе имаат едвај забележливи симптоми, додека други секој ден ќе имаат одредени дигестивни проблеми кои можат да влијаат на квалитетот на живот. Најчестите симптоми кои се појавуваат се:
- Болка во стомаот
- Грчеви во стомакот
- Надуеност и гасови
- Дијареа (пролив)
- Запек
- Често или ретко празнење на цревата
- Промени во изгледот на столицата
Во некои случаи, во ист ден може да се појават дијареа и запек, додека болката и грчевите може да исчезнат по нуждата. Исто така, симптомите може да се појават и исчезнат, не мора да бидат постојано присутни. Синдромот на иритабилно или нервозно дебело црево е почест кај жените, но и кај лица до 35 години.
- Кога е време за посета на лекар?
Доколку забележите какви било промени во дигестивниот систем или кога ќе се појават и некои поопасни симптоми како губење на килограми, дијареа навечер, крварење приизврпување на голема нужда, болка која се намалува по нуждата, потребно е да се посети лекар.
КАКО СЕ ДИЈАГНОСТИЦИРА?
Понекогаш оваа состојба може да се дијагностицира само врз основа на симптомите, додека понекогаш ќе бидат потребни дополнителни испитувања. Пред сè, можеби ќе треба да внимавате на вашата исхрана или да исфрлите одредени намирници на еден месец за да се исклучат алергии на храна или интолеранција на глутен.
Исто така, ќе биде потребно да се однесе примерок од столицата за анализа, да се направат и крвни испитувања за да се исклучат целијакија анемија, а во некои случаи ќе треба да се направи колоноскопија.
КАКО СЕ ТРЕТИРА СИНДРОМОТ НА ОРИТАБИЛНО ЦРЕВО?
Не постои лек за синдром на иритабилно црево, но потребно е да се најде решение кое ќе ги ублажи симптомите. Исто така, лекувањето ќе биде поинакво за секое лице. Во некои случаи, ќе биде доволно само да се променат навиките, да се внимава на исхраната или да се јаде по препорачана диета што ви ја одредил лекар и редовно да се вежба. Може да помогне и земањето пробиотици, намалувањето на стресот, но и избегнувањето на кофеин, пржена и премногу зачинета храна.
