Пет знаци дека надуеноста е многу посериозна отколку што мислиме

И додека за тоа најчесто го обвинуваме ПМС, одредена храна или газираните пијалаци, надуеноста може да укажува и на многу посериозни здравствени проблеми

Над 30% од луѓето се жалат на честа надуеност, покажало истражување на Универзитетот Дартмаут. И додека за тоа најчесто го обвинуваме ПМС, одредена храна или газираните пијалаци, надуеноста може да укажува и на многу посериозни здравствени проблеми, вели д-р Шери Рос. Таа советува сите оние кои со постојаната надуеност ги имаат и овие симптоми, да посетат лекар.

БОЛКА ВО КАРЛИЦАТА

Иако многу ретко, ова може да укажува на рак на јајчниците. А, особено ако болката е проследена со други симптоми, како чувство на брзо полнење за време на јадење и ако одеднаш се јави поголема потреба за мокрење или голема нужда.

“Ова е предизвикано од насобирањето течности во абдоменот и притисокот на јајчниците на стомакот или на карлицата“, објанува Стив Василев, специјалист за гинеколошка онкологија од Институтот за тумори во Калифорнија.

Но, не паничете, потеницра тој, бидејќи повеќето од овие симптоми укажуваат на многу бенигни проблеми, како што се цисти. Направете ги потребните анализи за откривање на евентуално постоење на рак на јајчниците.

ГУБЕЊЕ НА ТЕЛЕСНА ТЕЖИНА

Околу еден процент од популацијата има целијакија, состојба која одбележува трајна неподносливост на глутен, протеин кој се наоѓа во пченицата, јачменот, овесот и ‘ржта.

“И додека најчести симптоми се дијареа и губење на телесна тежина, многу заболени од целијакија имаат некои знаци кои не се поврзани со гастроинтестиналниот тракт, вклучувајќи анемија, исип по кожата, главоболки и рана фаза на остеопороза“, вели д-р Дива Нарајан.

Во овој случај најдобро е да се појде кај гастроентеролог кој преку анализа на крвта може да утврди дали постојат одредени антитела кои укажуваат на целијалија. Ако наодот е позитивен, потребно е да се направи ендоскопија за лекарот да земе мал примерок на ткиво од тенкото црево за анализа. Ако се утврди дека станува збор за целијакија, терапијата е стриктна исхрана без глутен.

СИЛНИ ГРЧЕВИ

Многу е лесно да се отфрли овој симптом, ако се појавува за време на менструалниот циклус. Но, ако имате грчеви во долната лева страна на стомакот, можно е да станува збор за дивертикулитис – состојба кога долниот дел на дебелото црево станува воспалено, вели д-р Рос. И додава дека ова во основа е болест на повозрасните лица, но последните години е во пораст и меѓу лица помлади од 40 години. Теоријата на научниците е дека некои од причините се прекумерна телесна тежина и исхрана во која недостасуваат влакна.

Ако имате силни грчеви, кои се проследени со температура, веднаш појдете на лекар. Најверојатно ќе треба да направите тестови на крвта, урината и столицата за да се исклучат други извори на инфекција.

НЕПРИЈАТЕН МИРИС НА ВАГИНАЛНИОТ СЕКРЕТ

Околу 5% од жените во репродуктивниот период (од 18 до 44 години) имале воспалителна болест на карлицата предизвикана од нелекувана кламидија или гонореа, кои од вагината доаѓаат до јајцеводите или матката. По тоа, доаѓа и до висока температура, а ако болеста не се лекува може да предизвика и неплодност.
“Но, во рана фаза. Симптомите може да бидат посуптилни, како блага болка бо карлицата, неправилно краврење или проблеми при мокрењето“, објаснува д-р Рос. Потребно е да се отиде на гинеколог кој ќе направи тест на кламидија и гонореа, и на крвта. Понекогаш се потребни и други типови на испитување.

ДИЈАРЕА

Надуеност проследена со честа болка во стомакот и пролив може да биде симптом на воспалителна болест на цревата, како што е Кронова болест или улцерозен колитис. И двете болести спаѓаат во воспалителни болести на дигестивниот тракт.

Според лекарите, во 40% од времето пациентите може да имаат и симптоми како болка во окото, матен вид, исип и замор. Матичниот лекар ќе ве преупати кај гастроентеролог кој ќе направи низа тестови за да се утврди можна инфекција од бактерии или паразити.