Многу современи жени секој ден земаат мали таблетки кои ги штитат од несакана бременост, но овој начин на контрацепција е достапен од скоро, па нашите баби и прабаби морале да користат други методи.
Денес, освен таблетите на располагање има широк спектар производи за заштита, и тоа кондоми, спирали, цервикален сунѓер, фластери, вагинален прстен… Има многу препарати на кои можеме да се потпреме како заштита од несакана бременост и полово преносливите болести, но еве како било некогаш:
Професорката Андреа Тоне, која ја напишала „Историја на контрацепцијата во Америка“, го опишува периодот на создавањето на контрацепцијата од 1870 до 1970 година. Таа истакнува дека поимот „контрола на раѓањето“ се родил во 1915 година кога почнала да го користи активистката Маргарет Сангер. Но самата идеја за контрола на раѓањето е многу постара и датира уште од стариот Египет во чии папируси стојат интересни белешки.
Кога во 1899 година археолозите дошле до некои паприуси дознале дека древните Египќани користеле вагинални чепчиња направени од мед или крокодилска маст. Според пишувањето на магазинот Womens Health, овој метод имал задача да ја убие спермата и да го спречи оплодувањето.
Многу методи кои биле користени тогаш не си ја вршеле работата како што треба, биле несигурни и ни малку естетски пријатни. Желбата луѓето да се заштитат од бременоста и да практикуваат сигурен секс постои со векови. Строгиот став кон сексот го отежнувал пристапот кон овие средства, а во 19 век во Америка контрацепцијата се сметала за илегална.
Илегалната контрацепција била остро забранувана, а ако некоја жена забременела или била повредена продавачот не сносел одговорност. Жените користеле и по неколку средства за заштита во исто време за да бидат сигурни, пишува Нет.хр.
Првото легално средство за контрацепција бил кондомот и тоа во доцната 1918 година, но не како средство за контрола на раѓањето, туку за спречување на ширењето на половите болести. За време на Првата светска војна владеел сифилис, а кондомите кои тогаш биле во употреба се разликувале од овие денес.
Денес кондомите се чисти, се контролираат, масовно се произведуваат и ни се достапни на секој чекор. Порано се правеле рачно, не поминувале никаква инспекција, биле неудобни и често биле скапи, па корисниците ги рециклирале.
