Митови за бременоста кои гинеколозите постојано ги слушаат

Кога е здравјето во прашање интернетот истовремено може да биде од голема помош, но и извор на лажни информации. Токму затоа време е да срушиме некои од најголемите митови за бременоста – со помош на гинеколозите!

Има толку многу луди приказни и идеи кога ќе се спомене бременоста, но и одбегнувањето на истата. Интересно е дека дури и ако мислите дека можете да препознаете лажен совет, некои од овие верувања постојат толку долго што дури и сме престанале да размислуваме дали се точни или не. Ова се најчестите митови околу бременоста кои ги слушаат гинеколозите. Еве што всушност е вистина!

Најчесто користен облик на заштита е „методот на извлекување“

Прво и основно – извлекувањето на пенисот не е метод на заштита од ништо! Ова е најслабата и најопасна „заштита“. Освен што не сте заштитени од полова болест, истовремено ризикувате да забремените без оглед на тоа дали партнерот „излегол“ навреме. Како? Затоа што и пред оргазмот мажите испуштаат течност која содржи сперма, па и од неа може да се забремени.

Не може да се забремени веднаш штом ќе престанете со контрацептивни таблети

Ова постојано го читаме по форумите затоа што повеќето жени навистина мислат дека е точно. Но може! Само сетете се на она дека штом заборавите да испиете само едно апче во месецот веќе не сте заштитени и може да забремените, па тогаш како и зошто не би можеле штом престанете со нив. Сепак, доколку сакате бебе, а пиете апчиња консултирајте се со лекар за тоа како е најдобро да се планира бременоста.

Мокрење после секс (и слични фори) спречуваат бременост

Вакви приказни има од кивање до мокрење после секс, како и дека бременост не е можна ако не дојде до оргазам, и обратно, побрзо се забременува ако се прави стој на раце?! После секс! Меѓутоа, ништо од ова нема научна потврда. Мораме да признаеме дека сепак најчесто се споменува мокрењето, а тоа има сосема поразлична функција – на тој начин се испираат бактериите од организмот.

Мало крвавење може да значи бременост

Иако паметно е да се набљудуваат промените во телото, мало крвавење не значи бременост или дека контрацепцијата не делува. Тоа може да се случи заради привикнување на, на пример, нова терапија за контрацепција и да трае неколку месеци, а може да се случи и посилно крвавење ако заборавите да ја испиете контрацептивната пилула. Доколку вакво непланирано крвавење се случува често појдете кај вашиот гинеколог.