Деменцијата е мошне важно да се открие во рана фаза за да се запре напредувањето на болеста. Во увото може да се појави знак на Алцхајмеровата болест кој секој би го игнорирал, а всушност многу е подобро да побарате лекарска помош.
Деменцијата е заедничко име за група симптоми која се појавува доколку функциите на мозокот опаѓаат. Постојат многу типови на деменција, а најчеста е Алцхајмеровата болест. Се верува дека ова заболување настанува со таложење на протеини во и околу мозокот.
Доколку забележите дека послабо слушате тоа може да биде ран знак за деменција, односно Алцхајмер. Се манифестира со неможноста да учествувате во нормална конверзација и со пораст на конфузијата. Меѓутоа не е познато зошто одредени луѓе кои го губат слухот се посклони на деменција од другите кои ги немаат овие симптоми.
„Поврзано е дека луѓето кои со годините послабо слушаат имаат поголем ризик да заболат од Алцхајмер, но причината за таа конекција е непозната“, велат од британскиот Сојуз за деменција и додаваат дека мошне голем предизвик за болните е да живеат со двете заболувања истовремено.
Сепак, постојат апарати кои им помагаат на наглувите личности подобро да слушаат, а и препарати кои се развиле, а кои би требало да го намалат наталожениот протеин во мозокот и да помогнат за подобра циркулација на крвта низ мозокот и да го одложат изумирањето на мозочните клетки. Она што е важно да го запаметите дека овие две состојби ако се преклопат можат да се замаскираат една со друга и да доведат до прекасно откривање на болеста што потоа влијае и на самиот квалитет на понатамошниот живот.
„Проблемите во комуникацијата можат да бидат знаците и губењето на слухот и деменцијата, па во секој случај би требало да појдете на лекар заради правилна дијагностика“, наведува Сојзуот за деменција.
Ако се појават промени во начинот на вашето секојдневно функционирање, тогаш сигурно сте во опасност од појава на деменција.
