Не е Алцхајмер, а симптомите се исти: Откриен нов облик на деменција

Милиони возрасни луѓе имаат облик на деменција кој воопшто не се дијагностицира точно, туку погрешно се заведува под името Алцхајмерова болест, пренесува Би-би-си

Се смета дека дури третина од луѓето со дијагноза на Алцхајмер всушност потполно погрешно се лекувани затоа што имаат сосема поразличен облик на деменција. Дури третина од луѓето на кои им е дијагностициран Алцхамер можно е всушност да патат од потполно нов облик на деменција, пишува Би-би-си.

Во магазинот „Brain“ научниците објавиле дека новооткриениот облик на деменција е мошне сличен на Алцхајмер, односно симптомите се слични и истакнуваат дека тоа делумно објансува зошто сите досегашни обиди за развој на лек на Алцхајмеровата болест биле неуспешни.

„Веројатно, станува збор за најзначајниот стручен труд за деменцијата објавен во последните пет години“, смета професорот Роберт Хауард.

 

Деменцијата е поим кој првенствено се однесува на полошото памтење, а потоа и на низа интелектуални проблеми поврзани со памтењето и размислувањето. Во стручната литература опишани се различни видови деменција, но Алцхајмеровата болест е најчестиот и најистражениот облик. Обично резултура со губење на памтењето и останатите знаци на когнитивен пад, а поврзана е со насобирање на два протеина во мозокот познати како амилоид и тау.

Се претпоставува дека пациентите можеби пателе со состојба која се нарекува лимбичко–доминантна ТДП-43 енцефалопатија или скратено ЛАТЕ, која предизвикува симптоми мошне слични на Алцхајмеровата болест. Се верува дека ЛАТЕ влијае на постарите од 80 години. Утврдено е дека менталните способности се намалуваат со побавно темпо отколку кај Алцхајмер, иако, кога овие две состојби се пристуни истовремено, симптомите се развиваат мошне брзо. Изгледа дека лекот кој делува кај Алцхајмер нема никаков ефект врз овој вид на деменција ЛАТЕ. Проблемот е што недостастуваат дијагностчки методи за оваа болест да се детектира.