Контролирањето на бесот понекогаш може да биде многу предизвикувачки. Побарајте помош доколку не можете да го контролирате бесот, доколку правите работи за кои подоцна ќе зажалите или ако ги повредувате блиските. Побарајте курсеви за контрола на бесот или советување за тоа како да се справите со бесот. Со професионалната помош можете:
- Да научите што претставува бесот;
- Да научите што ве прави нервозни;
- Да ги препознаете знаците кога станувате нервозни;
- Да научите да се справите со фрустрациите и бесот на смирен и контролиран начин;
- Да ги откриете потиснатите чувства, како на пример, тага и депресија.
Наспроти ваквата помош, постојат и други начини да го скротите бесот.
Вештини за релаксирање
Кога трпеливоста ви е на граница, употребете ги вештините за релаксирање. Направете вежби за длабоко дишење, замислете си релаксирачка сцена или повторувајте некој збор или реченица што ве смирува, како на пример, „смири се“. Можете да си пуштите музика, да запишете во дневникот или да повежбате јога, направете сe што можете за да се релаксирате.
Откако мислите ќе ви се избистрат и ќе се смирите, може да ја изразите својата лутина на наметлив, но не на конфликтен начин. Искажете ги вашите чувства и грижи смирено, без да повредите или навредите некого.
Бројте до 10
Броењето до 10 не е само за деца. Пред да реагирате бурно на некоја напната ситуација, дишете длабоко и бројте до 10. Забавувањето може да го смири бесот. Доколку е потребно, тргнете се на страна додека не се смирите.
Размислете добро, па кажете
Во моментите на бес лесно може да кажете нешто за што подоцна ќе се покаете. Размислете добро пред да кажете или оставете го за подоцна кога ќе можете да размислувате со „бистар ум“.
Прeпознајте можни решенија
Место да се сконцентрирате на причината за бесот, фокусирајте се на решението. Ве нервира ли нередот во собата на вашето дете? Партнерот секогаш доцни на вечера? Пронајдете ги начините да се зачувате прво себеси. Потсетете се дека гневот нема да ги поправи работите, може само да ги влоши. Доколку почнете да не го примате лично однесувањето на луѓето од вашата околина, можните решенија сами ќе се наметнат.
За да избегнете ситуација што може да ја зголеми тензијата, употребувајте „јас“ во речениците за да го опишете проблемот. Бидете пристојни и прецизни. На пример, кажете: „Јас сум вознемирен затоа што стана од масата и не се понуди да ги измиеш чиниите“ наместо „Не работиш ништо“.
Не држете лутина
Простувањето е моќно. Доколку допуштите лутината и другите негативни чувства да преовладеат, може да се најдете проголтани од својата горчина и неправедност. Но, ако и`простите на личноста што ве налутила, може и двајцата да научите од целата ситуација. Не е реално да очекувате луѓето секогаш да се однесуваат онака како што вие сакате.
