Слаткиот компир нека биде дел од вашето секојдневно мени. Во продолжение набројуваме дел од неговите предности…
Антиоксиданти
Не се сите слатки компири портокалови. Нивната кожа и внатрешност, исто така, може да биде и бела, жолта, кафеава, црвена, розова и виолетова. Распонот на бои го обезбедува соодносот на хранливи материи. Виолетовиот сладок компир содржи екстремно високи нивоа на антиоксиданти и има антиинфламаторни својства.
Витамин А
Само еден средно печен сладок компир може да му обезбеди на телото неверојатни 400 % витамин А во однос на препорачаната дневна доза. Витаминот А ја штити кожата и очите од разни болести.
Бета-каротен
Портокаловиот сладок компир изобилува со бета-каротен, антиоксидант кој учествува во борбата против ракот и болестите на очите.
Лесно се подготвува
Подготовката на сладок компир влијае на процентот на хранливи материи по термичката обработка. Наједноставен начин на подготовка е да се свари во мала количина на вода или да се испече во рерна.
Борба против ракот
Научниците откриле дека одреден вид на слатки компири може да го спречат растот на клетките на ракот
Витамини и минерали
Слатките компири се богати со витамин Ц, кој е клучен за зајакнување на имунолошкиот систем. Високите нивоа на калиум во овој компир помагаат при контрола на крвниот притисок, а калциумот ги зајакнува коските.
Го регулира шеќерот во крвта
Слаткиот компир има низок гликемиски индекс и содржи повеќе влакна од белиот компир.
Многу влакна
Слаткиот компир е богат со влакна, па затоа е идеален за диета и здрава исхрана. Слатките компири може да ги печете во рерна со кожата, да направите пире, гулаш…
Железо
Слаткиот компир е одличен извор на железо што го прави идеална намирница за вегетаријанци и вегани.
