Популарната Кендал Џенер, дел од кланот Кардашијан и девојка од насловните страници, тврди дека постои боја која и го намалува чувството на глад! Добро Кендал, да ти веруваме…
Можеби веќе сте прочитале некаде дека таа ѕидот во својата дневна соба го бојадисала во розова нијанса затоа што наводно оваа боја и го сузбивала чувството на глад и и го намалувала апетитот. Дури дала и свое објаснување: „Во периодот кога размислував за новата боја во дневната соба, појдов на вечера со пријателките кои ми открија дека е докажано оти токму ова нијанса смирува и го намалува апетитот!“
Логично, Кендал веднаш добила идеја за својата нова, омилена нијанса.
Концептот е интересен, но дали ова навистина е точно? Стручњаците делумно се согласуваат. Постојат научни истражувања кои докажале дека боите навистина влијаат на нашиот апетит затоа што всушност не потсетуваат на одредени намирници, а тие потоа несвесно го поттикнуваат чувството на глад.
Повеќето калорични намирници доаѓаат во црвена, портокалова и жолта боја, додека многу малку од нив се во сина, виолетова или розова нијанса. Тоа би значело дека во теоријата, црвената и портокаловата поттикнуваат чувство на глад, додека, на пример, сината и виолетовата го прават токму спротивното. Токму затоа повеќето ресторани за брза храна имаат црвен и жолт ентериер.
Истражувањето на Џон Хопкинс универзитетот открило дека розовата е навистина една од боите кои делуваат како „убијци“ на апетитот“. Приказната е добра, а и бојата не е лоша. А можеби и време е за промени во домот.
