Возењето велосипед е исклучително здрава и популарна физичка активност, а се препорачува и во бременоста со дозвола од лекарите. Ако возење велосипед била вашата омилена форма на рекреација пред бременоста, а сега сте во првото тромесечје, нема причина да не уживате во неа.
Но, возете велосипед само на рамен терен. Половина до еден час лесно вртење на педалите ќе ви користи и вам и на вашето бебе. Особено што сте на свеж воздух
Имајќи предвид дека за време на подолгото возење може да се јави болка во грбот (поради неправилната положба), поведете сметка за тоа. Задолжително пијте доволно течности пред, за време на и по возењето, со цел да се избегне дехидрација.
Велосипед можете да возите се додека големината на стомакот не почне да ја нарушува вашата рамнотежа. Се разбира, мора да престанете да возите и ако имате болки во стомакот, половината или друг дел од телото, потоа ако почувствувате невообичаено забрзана работа на срцето, мачнина или доколку останете без здив.
