Смеењето е одговор на бројни здравствени прашања и природно решение за лекување. Од смеењето ништо друго не делува побрзо, создавајќи рамнотежа помеѓу духот и телото. Во алтернативната медицина смеењето се користи со години, а неговата лековитост е докажана во бројни медицински и психолошки истражувања.
Смеењето ги намалува потешкотиите, загриженоста и стравот, а во исто време создава надеж и поттикнува позитивен начин на размислување.
Терапија со смеење
Со искрено смеење организмот се заштитува од последиците од напнатоста и стресот и има способност да се опушти, а мускулите остануваат релаксирани и до 45 минути откако лицето ќе престане да се смее.
Хормонот ендорфин е задолжен за добро расположение, а него го создавава смеењето, кое има и способност да го намали чувството на болка, но, за жал, тоа трае само неколку минути.
Смеата е најдобриот лек за депресија и лошо расположение, а кога некој се смее тој автоматски ќе се чувствува подобро. Токму тоа чувство трае подолго од смеењето и поради него лицето може да задржи позитивен став и да се соочи со животните проблеми.
Смеата е лек за болка, самосожалување, тага, а наедно е и знак на надеж и универзална поддршка од луѓето кога им е тешко
Ефикасно ги елиминира негативните чувства, бидејќи е невозможно во исто време да бидете загрижени, вознемирени и да се смеете искрено.
Смеењето уште се нарекува и природна батерија со добра енергија која обезбедува подобра концентрација, полесно совладување на задачите и подолга фокусираност на битните работи.
Може да влијае на начинот на гледање на светот, бидејќи прави луѓето да ги гледаат работите во ново светло. Создава слика без грижи и опасности која е пореална, а ефикасно помага во борбата против стресот и разочарувањето кое може да го предизвикаат лични и деловни неуспеси.
Заштита од стрес
Со смеењето се намалува хормонот на стресот, кој е најчесто виновен за бројни проблеми, вклучувајќи го и слабиот имунитет, а го излачува надбубрежната жлезда. Кога човекот се смее се зголемуваат антителата одговорни за борба против инфекциите и клетките кои се задолжени за зајакнување на имунолошкиот систем. Резултатот е – поспремен организам за нови здравствени предизвици.
Здравје на срцето
Смеењето има одличен ефект врз васкуларниот систем и ја стимулира циркулацијата, ја подобрува работата на крвните садови и го намалува крвниот притисок, што го прави одлична превенција од многу болести.
Ако сакате да го заштитите срцето и крвните садови, освен што почесто ќе се смеете, ќе ви помогне и комбинацијата на лимони и лук. Покрај тоа што го чува кардиоваскуларниот систем, лукот делува и против микробите, додека лимонот, благодарение на витаминот Ц, помага да се зајакне имунолошкиот систем. За да имате здраво срце, употребувајте ги и следниве намирници:
Домати – го намалуваат крвниот притисок и холестеролот.
Масна риба – богата со омега-3 масни киселини кои го намалуваат количеството на триглицериди во крвта и го олеснуваат одзатнувањето на артериите.
Шипка – содржи голема количина на антиоксиданти и го поттикнува создавањето на азотен оксид кој ги шири крвните садови и го подобрува протокот на крв.
Куркума – помага да се намали воспалението во артериите предизвикано од акумулираните масти.
Портокал – содржи пектин кој помага да се намали лошиот холестерол
