Што е за вас среќа?

Срцевите заболувања почесто ги заобиколуваат луѓето кои се позадоволни и поентузијастички настроени отколку несреќните луѓе, покажа истражувањето на Универзитетот Колумбија

Што е за вас среќа? Ако прашате некој што е за него среќа, веројатно, ќе одговори – личниот успех, доброто здравје, внатрешниот мир, љубовта или можеби тенката половина! Без оглед на тоа што ве движи и радува, сигурно постои нешто (или некој) што може да направи срцето да ви чука побрзо, да измами насмевка на вашето лице или да предизвика прекрасно, топло чувство околу срцето.

Постојат многу работи кои влијаат врз среќата, а ние ви пренесуваме некои факти

  1. Хипокампусот е дел од мозокот одговорен за среќата и позитивните спомени.
  2. Серотонин е хормон кој е одговорен за чувството на среќа. Поради него се чувствуваме среќно и задоволно, а тој, исто така, го регулира и процесот на учење, спиење, расположение, сексуалност и апетит.
  3. Само 20 минути поминати на отворено за време на убав ден го подобрува расположението, го проширува умот и ја подобрува меморијата.

    Ако среќата на еден брачен другар се зголемува во текот на еден подолг временски период, тогаш ќе се зголеми и среќата на другиот. И обратно!
  4. Според истражувањето на Универзитетот Бритиш Колумбија, среќата или нејзиниот недостаток зависат од брачниот другар! Барем кога станува збор за лица со долг брачен стаж. „Ако среќата на еден брачен другар се зголемува во текот на еден подолг временски период, тогаш ќе се зголеми и среќата на другиот. Исто така, ако се појави пад, тоа ќе го погоди и неговиот брачен другар“, објаснува раководителот на истражувањето Кристијане Хопман.
  5. Најсреќна година во нашиот живот е 33-тата! Барем така тврдат испитаниците кои биле анкетирани од британските психолози на Здружението „Friends Reunited“, кое поврзува стари пријатели. Дури седум од десет одговориле дека 33 година од животот им била најубава: тогаш биле најзадоволни.
  6. Кога станува збор за професиите, најсреќни се свештениците, актерите, архитектите и пожарникарите.
  7. Срцевите болести почесто ги заобиколуваат луѓето кои се позадоволни и поентузијастички настроени отколку несреќни луѓе, покажа истражувањето на Универзитетот Колумбија. Добро е за квалитетот на животот секој ден да се занимавате со нешто што ве прави среќни и ви пружа задоволство, она што многумина од нас не го прават.
  8. Вежбањето ослободува ендорфини поради кои се чувствуваме среќно и еуфорично. Ендорфините делуваат како природни ублажувачи на болка, тегоби и овозможуваат лесен сон.

  9. Наспијте се – луѓето кои се лишени од квалитетен сон потешко ги памтат позитивните работи, а полесно им паѓаат на памет негативни идеи. Исклучете ги сите натрапници од спалната соба, како што се компјутер, мобилен телефон или ТВ, и наспијте се како бебе!
  10. Најсреќните луѓе живеат во Данска, Норвешка, Швајцарија, Холандија… Каде сме ние?