Жените се најизложени на депресија во репродуктивниот период, а прекинувач за развој на симптомите на чувствителните жени може да биде и породувањето. Авторите на студијата нагласуваат дека многу досегашни студии ги довеле во врска бременоста, омега-3 масните киселини и хемиските реакции кои овозможуваат ослободување на регулаторите на расположението – хормонот серотонин.
Со оглед на тоа дека омега-3 масните киселини се пренесуваат од мајката на фетусот за време на бременоста и се вградуваат и во мајчиното млеко за време на доењето, нивото на омега-3 масните киселини кај жените за време на бременоста се намалува и останува намалено барем 6 недели после породувањето.
Кога станува збор за ревматоидниот артритис, шведска студија работена меѓу испитаници родени од 1914 до 1948 година, го истражувала влијанието на внесот на омега-3 масни киселини на ризикот од ревматоиден артритис, болест на мускулно-коскениот систем.
Студијата објавена во магазинот „Annals of the Rheumatic Diseases”, ги следела испитаниците во повеќе наврати, за време на што пополниле анкети кои вклучувале детален опис на прехранбените навики, телесната активност, зачестеноста на консумирањето одделни намирници вклучително и внес на масни (лосос, сардини, ракчиња) и слаби риби (бакалар, бранцин). Резултатите укажуваат дека испитаниците кои консумирале риба повеќе од еднаш неделно го намалиле ризикот од артритис за 29 отсто во однос на оние испитаници кои тоа не го практикувале. Исто така, стручњаците воочиле дека личностите кои поретко консумирале риба претежно биле пушачи.
