Ова е одговор на експертите како да се храните за да го зајакнете имунитетот, но притоа да не додадете плус килограми на телесната тежина.
За правилна работа на одбранбениот систем, потенцираат лекарите, нужни се витамини и минерали, и тоа од витамини: А,Ц,Е и Б6, како и селен, бакар, цинк и железо. Се наоѓаат во овошјето, зеленчукот, семките, јаткастите плодови и полнозрнестите житарки. Ова се и некои општи совети:
- Избалансирајте ја исхраната и внесувајте многу овошје и зеленчук, за сметка на намалување на храната богата со заситени масти (сушено овошје и месни преработки).
- Консумирајте овошје кое е богато со витамин Ц, како портокал, грејпфрут, мандарини, киви, но и зеленчук како брокула, карфиол, чај или мармалад од шипки.
- Јадете намирници кои се богати со цинк, кој спречува размножување на некои вируси и може да го намали времетраењето на болеста и да спречи компликации. Такви наминрици се грав, спанаќ, семки од тиква, интегрални житарки и црн леб.
- Внесувајте храна која е богата со селен кој има антиоксидантни својства. Тоа значи повеќе лук, кромид, риба, туна, кафеав ориз и кељ на трпезата.
- Витаминот А ги поддржува клеточните мембрани и помага во заштита на слузницата на устата, грлото и белите дробови, па во организмот внесувајте го преку морков, круша, млечни производи, брокула и изнутрици.
