Недостатокот на сон се поврзува со ниското ниво на тестостеронот, докажала новата студија во која учествувале 2.300 мажи. По вишокот килограми, спиењето е најважен фактор кој влијае на нивото на хормонот кој е клучен за плодноста, сексуалните функции, енергијата и менталното здравје.
Научниците истакнуваат дека оваа мала промена на животните навики може да помогне во подигање на нивото на тестостеронот кај мажите кои имаат проблеми со плодноста.
„Лицата кои имаат ниско ниво тестостерон често се плашат од терапија„, вели д-р Прамал Пател. „Сакавме да видиме кои се тие природни начини да се подигне нивото на тестостеронот„.
Д-р Пател за потребите на студијата анализирал повеќе од 2.296 мажи кои во просек имале околу 46 години, а спиеле од два до 12 часа во текот на ноќта. Секоја година нивото на тестостерон кај мажите се намалува за 0,49 нанограми по децилитар, а секоја единица алкохол што ја испиле тоа ниво го намалува за уште 2,99.
Меѓутоа, студијата покажала дека спиењето има поголемо влијание. Оние кои спиеле помалку од препорачаните седум часа биле сколни да имаат пониско ниво на тестостерон. Секој час помалку сон, доведувал до 5,85 нанограми по децилитар тестостерон помалку.
Просечното ниво на тестостерон кај учесниците на оваа студија било околу 303,33 нанограми по децилитар.
