Летото има и некои „нуспојави“ како што е потењето, кое не му е пријатно никому. Замислете ја само ситуацијата – патувате на работа, а низ лицето и грбот ви се лизгаат капки пот… И не може да го запрете ова. За среќа, дерматолозите нудат неколку корисни совети кои може да бидат од голема помош, односно барем да го ублажите потењето.
Носете памучна облека
Потењето може да се намали со носење материјали како што е памукот, кој ќе овозможи кожата да дише, а и ќе ве разлади затоа што ќе го впие вишокот влага од кожата.
Користете антиперспирант со оваа состојка
Дезодорансот со алуминиум хлорид би можел да помогне, затоа што оваа состојка се „однесува“ како гел кој спречува потта да стигне до површината на кожата.
Одбегнувајте лута храна и алкохол
Повременото консумирање алкохол е во ред, кафето може да ви даде енергија, а лутата храна да направи да уживате во секој залак… но сите овие работи ја зголемуваат можноста потта да почне да ви избива од под маицата. Значи, алкохолот, кофеинот и лутата храна поттикнуваат претерано потење.
Лутата храна содржи капсаицин, кој до мозокот испраќа сигнал на прегревање, па така почнувате да се потите. Со оглед на тоа дека кофеинот е благ стимулант, ги забрзува процесите на нервниот систем заради што телоо мора да ја регулира температурата,па веројатно малку ќе се препотите после филџан кафе. Алкохолот може да ја забрза работата на срцето и да ги рашири крвните садови, па набрзо ќе почнете да се потите.
