Во период на бременост треба да се избегнуваат потешки физички активности, кои го зголемуваат оптоварувањето на вашиот стомак. Секоја физичка активност има влијание врз вашето дете. Активноста е многу важна во бременоста, но постои опасност некои видови на активност да имаат лошо влијание.
Конкретно, кои активности треба да се избегнуваат за време на бременоста?
Носење тешки предмети – избегнувајте да носите тешки предмети, бидејќи никогаш не знаете како тоа ќе влијае на вашата моментална состојба. Наглото кревање на тешки предмети може да биде погубно за вашата бременост, затоа бидете трпеливи и внимателни.
Спорт со непосреден контакт – под спортови со непосреден контакт се подразбира ракомет, фудбал, кошарка. Овие спортови претставуваат многу голема опасност бидејќи може сериозно да се повредите.
Возење велосипед – ова не е најдобра идеја ако сте бремени, особено ако возите само повремено. Ако професионално се занимавате со велосипедизам, тогаш може да возите до второто тромесечје, бидејќи вашиот стомак може да ја наруши рамнотежата. Наместо возење велосипед, прошетајте низ паркот или по улица. Возењето велосипед е многу добра вежба, но не и во период на бременост.
Скијање – одењето на зимување со вашето семејство може да има позитивно влијание врз вашата бременост, но, секако, мора да го избегнувате скијањето, бидејќи постои сериозна опасност од падови и повреди.
Возење во забавни паркови – во бременоста треба да ги избегнувате различните возења во забавните паркови во кои претходно сте уживале. Имено, наглото забрзување и забавување може да му наштетат на вашето неродено дете
Сауни и хидромасажни кади – џакузи или седење во сауна може да биде многу опасно за правилниот развој на вашето бебе. Причината лежи во фактот дека прегревањето на телото е поврзано со можноста детето да се роди мртво или со некоја форма на дефект.
Денеска постојат различни курсеви за бремени жени, а оние кои ги држат знаат кои се можностите на една бремена жена, но не заборавајте дека вие, сепак, најдобро се познавате и знаете како се чувствувате. Секоја бременост е индивидуална.
