Научниците од Институтот за истражување на ракот во Лондон развиле тест, кој преку плунката, открива мажи со зголемен ризик од развој на рак на простата. Со тестот се откриваат гени кои значително го зголемуваат ризикот од ова заболување, а се присутни кај 1 % од мажите.
Се проценува дека ракот на простата се јавува кај секој осми маж
Во истражувањето биле користени податоците на 140 000 испитаници и биле детектирани 63 претходно непознати варијации на гени, поврзани со овој тип на рак.
Новиот тест се користи заедно со повеќе од 100 претходно откриени генетски фактори на ризик.
Резултатите од англиското истражување, кои се објавени во научното списание „Nature Genetics“, овозможуваат нови сознанија за развојот на рак на простата и улогата на имунолошкиот систем.
