Неодамнешна американска студија укажала на значењето на зелениот листест зеленчук, како што се спанаќот, зелената салата и кељот кога станува збор за деменцијата кај постарите личности.
Научниците кои работеле на студијата ги анализирале прехранбените навики на 960 личности, на просечна возраст од 81 година, кај кои не била дијагностицирана деменција. Испитаниците биле поделени во пет групи во зависност од тоа колку често јадат зелен листест зеленчук.
Се покажало дека личностите кои на дневно ниво јадат 100 г варен спанаќ или кељ или околу 200 г зелена салата имаат помал ризик од деменција.
Авторите на студијата ја додале и проценката дека постарите личности кои најчесто јадат зелен листест зеленчук се помлади за 11 години на когнитивен план од испитаниците кои ретко го јадат овој зеленчук.
