Атеросклерозата, односно запушените артерии, е една од најчестите болести на денешницата. Причина можат да бидат крвни згрутчувања или плакот кој се формира и таложи како резултат на високо ниво на холестерол во крвта, што доведува до огромен притисок во крвта. Овој здравствен проблем може да се намали со соодветна исхрана.
Овес
Житарките се одлична намирница за давање енергија на телото и чувство на ситост, а голема здравствена предност им е што го чуваат срцето и го намалуваат нивото на холестерол во крвта.
Грав
Еден филџан црн грав содржи три пати повеќе растворливи влакна од овесот. Истражувањата покажале дека исхраната богата со тој вид грав помага и ја чува еластичноста на артериите, како и дека го намалува крвниот притисок. Освен тоа нивото на антиоксиданти кои ги содржат црниот и црвениот грав е одлично во борбата со воспалителните процеси кои доведуваат до срцеви заболувања.
Леќа
Полна е со протеини, влакна и е вистинска ризница на здравје. Содржи калциум, магнезиум и калиум кои помагат во намалувањето на крвниот притисок.
Риба
Рибата е богата со омега-3 масни киселини, па го чува мозокот, а истражувањата докажале дека со своето противвоспалително дејство влијае и на здравјето на срцето. Имено, воспалителните процеси во телото се поврзани со голем број хронични болести и состојби, вклучително и создавање плак. Затоа научниците сметаат дека со намалување на воспалителните процеси би можела да се намали брзината на создавање плак на артериите, така што ќе се консумира помасна роба како лосос и скуша, најмалку два пати неделно.
Авокадо
Познато е колку маснотиите го уништуваат здравјето, но научниците тврдат дека моно и полинезаситените масни киселини, какви што има во ова овошје, го чуваат срцето затоа што го намалуваат лошиот ЛДЛ холестеролот, а го подигаат нивото на добриот ХДЛ холестерол.
Ф’стаци
Одлични се за чистење на артериите затоа што содржат растителни стероли, материи кои се наоѓаат во производите за намалување на холестеролот. Освен тоа помагаат и во блокирањето на апсорпцијата на холестерол.
Куркума
Познатиот индиски зачин содржи куркумин – антиоксидант кој помага кај таложењето на масти и запушените артерии.
Брокула
Познато е дека овој зеленчук е одличен во борбата против канцерогени болести, но научниците на листата корисни својства ја додале и можноста брокулата да помага и во чувањето на здравјето на срцето. Содржи влакна, а има и противвоспалителен ефект на организмот.
Аспарагус
Аспарагусот е богат со кверцетин, фитонутритиент кој спречува таложење плак на артериите.
