Ова е најздравата храна во светот: Го намалува притисокот, спречува срцев и мозочен удар

Речиси не постои болест за која урмите не можат да помогнат

Урмите имаат широк спектар на здравствени и хранливи вредности, па поради тоа многумина велат дека тоа е најздравото овошје на светот. Речиси не постои болест за која урмите не можат да помогнат.

Одличен извор на железо 

Анемичните пациенти би требало да јадат што повеќе урми, бидејќи тие се одличен извор на железо. Околу 100 грама урми содржат околу 0,90 мг железо, што е околу 11 % од препорачаниот дневен внес. Железото, како дел од хемоглобинот во црвените крвни зрнца, ја одредува носливоста на кислород во крвта. Најмногу потреба за железо имаат децата во пубертет и бремените жени.

Ја запираат дијареата 

Урмите содржат калиум, кој е корисен при запирање на дијареа. Покрај тоа, урмите помагаат цревната флора што побрзо да се обнови. Со редовното консумирање на урми ќе им олесните на цревата да создадат добри бактерии.

Лек за тврда столица  – исто како што ја запираат дијареата, урмите можат да помогнат храната побрзо и полесно да се свари. Потребно е да се земат неколку урми и навечер да се стават во чиста вода. Во текот на ноќта урмите ќе го пуштат својот сок, кој од одличен лаксатив, што ќе ги стимулира мрзливите црева.
Ја регулираат телесната тежина 

Поради големиот удел на хранливи материи, урмите кај човекот предизвикуваат чувство на ситост и помагаат при слабеење. Ако на празен стомак изедете урма, таа ќе ја регулира работата на цревата и на организмот ќе му го даде потребниот шеќер. Урмите немаат холестерол, но имаат доста шеќер, па од претерано консумирање на урми би можеле да се здебелите.

Урмите имаат способност да го намалат нивото на ЛДЛ лошиот холестерол во телото. Затоа ова е одлична храна за луѓето со висок холестерол кој предизвикува масни наслаги во артериите, кои доведуваат до згрутчување на крвта и други срцеви болести.

Го зајакнуваат срцето 

Луѓето со слабо срце можат да го користат ова неверојатно овошје. Во текот на ноќта потопете ги урмите сосе семките во вода. Наутро отстранете ги семките од урмите, потоа сомелете ги во блендер заедно со водата во која стоеле во текот на ноќта. Овој природен лек да се консумира неколку пат дневно за да се зајакне срцето.

Го намалуваат крвниот притисок 

Урмите се многу погодна храна за луѓето кои страдаат од висок крвен притисок. Тие содржат многу малку натриум, а се богати со калиум. Стандардната порција од пет или шест урми дава околу 80 милиграми магнезиум, есенцијален минерал кој придонесува за проширување на крвните садови. Истражувањата покажуваат дека 370 мг магнезиум дневно може да го намалат крвниот притисок.

Штитат од мозочен удар 

Една од клучните предности на урмите е нивната способност да ја регулираат работата на нервниот систем, благодарение на тоа што се богати со калиум. Истражувањата покажале дека поголемиот внес на калиум (околу 400 мг) може да го намали ризикот од мозочен удар за 40 проценти.