Целта на првата помош е да им се помогне на другите во неволја, но треба да научите и како да си помогнете самите на себе, доколку, не дај Боже, се најдете во ситуација во која животот ви е загрозен, а нема никој во близина да ви помогне. „Додека поголемиот дел од првата помош може да го изведете на себе онака како што би го направиле на други лица, кај гушењето и проблемите со срцето би можело да биде потешко да го спасите својот живот“, објаснил директорот на болницата „St. John Ambulance“, д-р Алан Вир.
Затоа д-р Вир сподели неколку едноставни, но практични совети за тоа што да направите во такви ситуации, ако нема никој да дојде на помош.
Инфаркт
Ако се сомневате на срцев удар, веднаш повикајте итна помош, а потоа одморајте се. Секое движење ќе предизвика непотребен притисок врз срцето. Најдобра е позицијата на подот, потпрени на ѕид, со преклопени колена и потпора за главата и рамената. Оваа позиција би требало да го намали притисокот врз срцето и да ги спречи повредите ако паднете во несвест. Полека џвакајте аспирин (ако не сте алергични) – тоа ќе го спречи влошувањето на инфарктот. Обидете се да останете смирени. Ако се вознемирувате, го зголемувате заморот на вашето тело и ги намалувате шансите за преживување.
Изгорената кожа мора што побрзо да се излади за да се спречи трајно оштетување
Обилно крвавење
Притиснете ја раната директно, користејќи ја раката, крпа или облека која ќе ви се најде во близина. Повикајте брза помош. Ако е можно, завиткајте ја ткаенината со завој за да го задржите притисокот врз раната. Држете ја раната над нивото на срцето (ако е некаде на раката), бидејќи тоа ќе го намали дотокот на крв до повреденото подрачје. Не обидувајте се да го извадите предметот кој евентуално ви е забоден во раната. Наместо тоа, притиснете околу него. Легнете така што вашите нозе ќе бидат над нивото на срцето бидејќи тоа ќе го намали шокот.
Гушење
Ако блокадата на воздухот е делумна, може да се спасите со кашлање, така што ќе го форсирате исфрлањето на предметот што е заглавен во вашето грло. Ако работата е посериозна, ќе треба да побарате помош или да извршите абдоминален удар врз себе. Кашлајте најсилно што можете навалувајќи се нанапред. Стиснете тупаница и притиснете над папокот, а под ребрата. Префрлете ја другата рака врз тупаницата и форсирајте го здивот.
Полека џвакајте аспирин (ако не сте алергични) – тоа ќе го спречи влошувањето на инфарктот
Скршена коска
Ако скршеницата е надворешна, покријте ја раната со стерилна ткаенина или рака. Притиснете ја површината околу раната, но не ја допирајте скршената коска. Повикајте брза помош. Легнете и подигнете ги нозете над нивото на срцето за да го намалите шокот, но тоа важи само во случај ако ако фрактурата не е на долниот дел од телото.
Изгореница
Изгорената кожа мора што побрзо да се излади за да се спречи трајно оштетување. Држете ја изгореницата под млаз со ладна вода. Ако во близина нема вода, ставете врз неа некој ладен предмет. Повикајте брза помош. Продолжете да го ладите местото уште најмалку 10 минути, но не ја допирајте изгореницата. Извадете го накитот и облеката од себе, освен ако не се наоѓа директно на изгореницата. Лабаво прекријте ја со проѕирна фолија ако сте во можност. Ќе послужи и чиста пластична ќеса или стерилна ткаенина. Намалете го шокот така што ќе ги подигнете нозете над срцето.
