Вискиот холестерол вообичаено е состојба која не е проследена со симптоми, но може да има ноза сериозни последици на здравјето. Покачениот холестерол може да предизвика запушување во крвните садови и да доведе до срцев и мозочен удар. Местото за запушување може да предизвика по живот опасна состојба, а самиот покачен холестерол е последица на низа фактори кои најчесто можат да се сведат на нездрави животни навики, како консумирање масна храна, недоволна физичка активност, прекумерна телесна тежина, пушење и консумирање алкохол.
Секако, и генетските фактори може да бидат причина за покачен холестерол, но вредностите, и во тој случај, може да се намалат со усвојување на здрав начин на живот, односно здрава исхрана и редовна физичка активност. Умерената аеробна активност е она што се препорачува, бидејчи подразбира доволен напор за да се забрза ритамот на работа на срцето и да предизвика потење.
Но, прашањето е кои се тие знаци што ви кажуваат дека треба нешто да превземете по прашањето на висок холестерол?
Предупредувачки знаци за висок холестерол
Знак на тревога, кога станува збор за покачени вредности на холестеролот, се болни прсти на рацете и нозете. Се смета дека болката е предизвикана од таложење на холестерол во крвните садови на на нозете и рацете. Друг симптом кој обично се поврзува со високиот холестерол е трнење во прстите на рацете и нозете. Имено, прекинот во дотокот со крв на одредени делови од телото може да предизвика чувство на трнење.
Високото ниво на холестерол во крвта ја прави крвта густа и го нарушува нормалниот проток на крв во нервите, што предизвикува трнење. Исто така, под кожата може да се формираат масни грутки кои главно се појавуваат на рацете и нозете. Тие се нарекуваат ксантоми и можат да бидат со различни големини, од големина на зрно грозје до големина на врв на игла.
Често имаат жолта или портокалова боја и изгледаат како рамни испакнатини под кожата, можат да бидат меки или чувствителни на допир, а може да се појават и на лактите, бутовите или колената. Иако лекарите со преглед можат да дијагностицираат такви грутки, понекогаш е потребно да се направи биопсија. Во меѓувреме, мерењето на маснотиите во крвта може да обезбеди информации за тоа дали некое лице има покачено ниво на холестерол во крвта.
Ксантомите може да се намалат ако се намали нивото на холестерол во крвта. Кога нивото на холестерол е значително покачено, лекарот може да препише статини, лекови кои го намалуваат производството на холестерол во црниот дроб.
