Храна која дебелее, храна која го крева или намалува крвниот притисок, храна која помага при ублажување на одредени тегоби… Но дали сте слушнале дела постои храна од која може да станете глупави?!
Темата е контроверзна, но доколку сакате да останете паметни, обидете се да го одбегнете или барем да го ограничите внесувањето на следнава храна, советува „Health Digezt“.
Слатки
Сите знаеме дека рафинираниот шеќер е лош за линијата, но дали знаете дека може да ви наштети и на меморијата и да ја намали вашата способност за учење нови работи? Научниците велат дека долгорочната консумација на храна „натопена“ во шеќер може да има големо, се разбира негативно, влијание врз мозочните клетки.
Вештачки засладувачи
Ако консумирањето на шеќерот може да ве направи помалку интелигентни, дали вметнувањето на вештачки засладувачи во вашата исхрана може да ги зачува вашите когнитивни способности? Никако! Истражувањата покажаа дека големата консумација на вештачки засладувачи ги намалува когнитивните способности, па дури може и да предизвика оштетување на мозокот.
Транс масти
Кога купувате осигурајте се дека производот што го ставате во кошничката нема транс масти. Тоа е затоа што хидрогенизираното масло може да го подигне нивото на вашиот холестерол и да ги оштети артериите, што може да резултира со бројни проблеми како што е намалување на мозокот, слично на она што го предизвикува Алцхајмеровата болест.
Натриум
Сите знаеме дека премногу натриум не е здраво за крвниот притисок и срцето. Дали сте свесни дека консумирањето храна со висока содржина на натриум може, исто така, да ги намали вашите когнитивни способности? Бегајте од се што е богато со натриум ако сакате вашиот мозок да остане здрав.
Рафинирани житарки
Обидете се да купувате храна што содржи цели зрна и да ги избегнувате рафинираните. Експертите велат дека рафинираните житарки може да го забрзаат процесот на стареење, вклучувајќи го и стареењето на мозокот. Исто така, ја намалуваат и концентрацијата.
Претходно приготвена храна
За да се задржи подолго на полиците на готвената храна и се додаваат конзерванси. Научниците велат дека премногу таква храна може да го зголеми ризикот од развој на дегенеративни мозочни болести како што е Алцхајмеровата болест.
Брза храна
Престанете пречесто да ги посетувате вашите омилени ресторани за брза храна. Истражувањата покажаа дека оваа храна може да му пречи на развојот на допамин, супстанција која ја подобрува меморијата, учењето и мотивацијата. Исто така, недостатокот на допамин доведува до анксиозност и депресија.
Алкохол
Не е тајна дека премногу алкохол го оштетува црниот дроб, но, исто така, полека ги намалува и когнитивните способности. Ако ви е тешко да запомните нешто или не сте сигурни дали нешто навистина се случило или било само сон, тоа е знак дека пиете премногу алкохол.
Храна сиромашна со јаглени хидрати
Сакате да изгубите тежина, па јадете храна сиромашна со јаглехидрати? Нешто што сигурно ќе „ослабите“ со тоа е дефинитивно мозокот, а не вишокот килограми.
