Pretty 52 пренесува дека спиењето покрај куче може да обезбеди подобар сон. Некои сопственици на кучиња се свесни за овој факт, но со оглед на тоа дека сите сакаме научници докази – сега го има и тоа.
Студијата со наслов „Испитување на квалитетот на спиење на возрасните жени и поврзаноста со домашните миленици“ испитала 962 жени во САД, а истражувачите сакале да проверат како чувањето домашен миленик влијае на спиењето. Студијата покажала дека 55 отсто од учесниците дозволуваат барем едно од нивните кучиња да им спие во креветот, а 31 процент ја дели постелата со мачка. Истата студија покажала дека 57 проценти од учесниците го делат својот кревет со партнерите.
Резултатите од истражувањето дале заклучок дека мачките и луѓето пречат во спиењето, додека кучињата се идеални за делење кревет. Без оглед на тоа дали имате голем германски овчар или мал малтезер, се чини, дека кучињата имаат вродена способност да утешат и да помогнат цврсто да спиеме без да не вознемират. Зошто сопствениците сакаат да спијат покрај кучињата? Постојат реални причини за ова.
Имено, најчеста причина е тоа што кучињата се топли, тие имаат телесна температура три до шест степени поголема од нашата, што ги прави делотворен грејач во текот на студените ноќи. Исто така, кучињата ни помагаат да се релаксираме, а нивното ритмичко дишење осигурува подобар сон. Освен тоа близината на кучињата го зголемува протокот на окситоцин – хормон поврзан со нежноста и среќата. Третата причина е чувството на сигурност. Многу од нас се чувствуваат ранливо кога лежат сами во мрак. Присутноста на куче, без оглед на големината, може да пружи чувство на заштита.
