Проф. д-р Гордан Лауч, член на Здравствениот совет на Владата на Хрватска се огласи преку својот Фејсбук профил, осврнувајќи се на истражувањето спроведено во Каролинска Институтот во Шведска. Тој меѓу другото во својата објава вели дека фактот што сега новиот коронавирус се шири не е лош и дека е всушност добра вест и на тоа може да се гледа “како на некоја форма на природна вакцинација која ќе ни ја олесни состојбата наесен“.
Тој во својата објава вели:
“Многу е важно истражувањето на Каролинска Институтот во Шведска, кое е објавено во многу угледното списание Cell. Спроведено е истражување на сразмерно мал број испитаници (206), па тоа веројатно треба да се повтори пред целосно да бидеме сигурни, но резултатите се исклучително охрабрувачки. Резултатите од оваа студија покажале дека и лицата кои се опоравиле од КОВИД-19 со многу мали или никакви симптоми, па дури и членовите на семејствата на позитивните лица кои сами никогаш не биле позитивни, развиваат т.н. Т-клетки специфични за SARS-CoV-2. Т-клетките се значаен елемент на нашиот имун систем и помагаат во борба против вирусот, што значи дека лицата кои ги имаат, се барем делумно, а можеби и целосно заштитени.
Ова е исклучително важна информација во сегашната ситуација кога вирусот се шири во цела Европа без поголеми последици по здравјето, односно има многу малку тешко заболени. Тоа значи дека фактот што вирусот сега се шири не е лош, туку е всушност добра вест и на тоа може да гледаме како на некоја форма на природно вакцинирање кое ќе ни ја олесни ситуацијата наесен кога ќе ни се врати потежок, зимски КОВИД-19“, истакнува проф. д-р Лауч.
Но, тој сепак нагласува дека не треба целосно да се опуштиме и лицата кои припаѓаат во ризичните групи треба да почекаат вакцина, а не да ризикуваат да се заразат, бидејќи и овој “летен“ КОВИД-19 сепак може да предизвика тешка, па дури фатална болест.
