Овој лековит медитерански зачин содржи антиоксиданти и има противвоспалително дејство, па така позитивно влијае на имунитетот и циркулацијата на крвта. Научниците докажале дека заради присуството на антиоксиданси рузмаринот може да го намали ризикот од создавање опасни слободни радикали кои предизвикуваат најтешки заболувања.
Често се користи како природен лек за проблеми со варењето, а научните истражувања докажале дека аромата на рузмаринот ја поттикнува концентрацијата, го чува памтењето и го намалува ризикот од Алцхајмерова болест. Во рузмаринот е застапена карнозинската киселина која е мошне важна за зачувување на мозокот, па научниците истакнале дека со консумирање на овој зачин се спречуваат слободните радикали да го оштетат мозокот и се намалува ризикот од мозочен удар.
Истражувањата на онколозите покажуваат дека сировиот етанолен екстракт од рузмарин го забавува развојот на малигните клетки кај леукемија и карциноми на дојки. Исто така, студиите покажале дека рузмаринот може да биде корисен и во спречувањето на создавање и развој на тумори.
Карнозинската киселина која е една од главните состојки на рузмаринот позитивно влијае на видот и ги спречува дегенеративните промени на очите. Се користи така што по желба можете да го ставате во разни јадења, но најзастапен е во приготвувањето месо и риба. Од рузмарин може да се направи масло, а може да се користи и во чаеви и вино.
