Почитувани пријатели,
уште една година е зад нас полна со убави, но и непријатни моменти. Велат дека се што е убаво треба да се запомни, а се она што ни предизвикало немир и проблеми да се остави зад нас. Многумина од Вас во изминатата година се соочија со здравствени проблеми, лични и на своите блиски. Секојдневно заедно со Вашите даватели на здравствена заштита, Вашите матични доктори и специјалисти ги баравте решенијата за Вашите здравствени проблеми и состојби. Но, понекогаш сакавте да се информирате и на социјалните мрежи и на интернет. Не за да се лекувате сами, туку да имате веродостојна информација на што се однесува вашата дијагноза, кои се симптомите, кои се евентуалните решенија што би можеле да Ви ги понудат стручните лица-докторите. Исто така сакавте и да дознаете што е потребно да останете здрави, во форма и да го сочувате вашето здравје и благосостојба. Фактите за здравиот живот од проверени извори понекогаш можат да го решат здравствениот проблем во самиот негов зачеток. Но, понекогаш, за жал ситуацијата налага да се обратите и на професионалци кои со сите специфики ги третираат здравствените прашања.
Токму затоа, ние сме среќни што тие професионалци низ дадените интервјуа за Panacea.mk ги споделија со јавноста вистинските медицински решенија и можности за дузина здравствени состојби кои ги третираат на најмодерен и софистициран начин во своите установи и институции. Со тоа ги доближивме до Вас опциите за решавањето на Вашите здравствени проблеми. Доколку пак бевте здрави и во форма, Ви посакуваме и во наредната 2024-та година да бидете такви. И, апсолутно, на сите кои имаат проблеми кои се поврзани со здравјето и здравствената култура истите да им бидат успешно надминати.
А ние, како тим ќе се обидеме да бидеме секогаш на нивото на задачата, да бидеме тука за Вас, со вистинските и веродостојни информации од здравствената проблематика, се со цел да имаме здрави и среќни граѓани.
Нека ви Среќна 2024-та година
Ви посакува
Тим Панацеа
;
