Доколку сте се откажале од цигарите, многу е важно да го промените начинот на исхрана за да не се здебелите, тврдат швајцарските научници. Тие советуваат исхраната по престанување на пушењето да изобилува со овошје и зеленчук, бидејќи помага да не се наруши цревната флора и да се потпомогне добарата дигестија.
Научници од Универзитетот во Цирих велат дека 80 % од пушачите по откажувањето од цигари се здебелуваат во просек седум килограми и главно станува збор за трупање на масни наслаги.
Како што објаснуваат тие, проблемот е во цревата, бидејќи кога ќе се престане со пушење, се менува составот на цревната флора, а со самото тоа доаѓа до здебелување. Трупањето на вишок килограми им се случува и на оние кои јадат иста количина и вид на храна, која ја консумирале и додека пушеле.
Станува збор за тоа дека наместо бактериите од видот firmiutes и actinobacteria по престанувањето со пушење во цревата почнуваат да доминираат многу поефикасни бактерии во преработката на храната, како од типот proteobacteria и bacteroides, што неминовно доведува до подобра искористеност на хранливите материи, а со самото тоа и до здебелување.
Професор Герхард Роглер, лидер на тимот од Универзитетот во Цирих ја идентификувал таа промена како причина за нагло дебелеење и потврдил дека бактериите proteobacteria и bacteroides доминираат во цревата на речиси сите дебели луѓе.
