Вообичаени симптоми, како што се болка или притисок во градниот кош, на повеќето им се добро познати. Но, постојат и помалку познати и очигледни, од кои некои се јавуваат и денови пред срцевиот удар, а кои пациентите може да ги занемарат.
- БОЛКА ВО ГРБОТ, РАЦЕТЕ ИЛИ ГРАДИТЕ
Сигнализирачка болка или во грбот, градите или во двете раце, често е тивок знак на срцев удар. Кога поради блокираната артерија, клетките на срцевиот мускул почнуваат да губат кислород за време на срцевиот удар, тие почнуваат да испраќаат сигнали на болка низ нервниот систем.
- ЗАМОР
Ова е еден од најчестите симптоми што пациентите со инфаркт го пријавуваат кај лекарите, опишувајќи го како општ замор и неможност за извршување на секојдневните, па дури и оние највообичаени задачи.
- КРАТОК ЗДИВ
Доколку скалите кои водат до вашиот стан или работно место вообичено не ви се проблем, а одеднаш се чувствувате како едвај да доаѓате до воздух, тоа би можело да биде знак за срцев удар.
- ЖИГОВИНА И ПОДРИГНУВАЊЕ
Ако некоја храна вообичаено ви предизвикува жиговина и ве тера на често подригнување, веројатно не е во прашање ништо што не може да се реши со избегнување на одредени намирници. Ако никогаш претходно не сте имале слични проблеми, повикајте го својот лекар оти тоа може да биде знак за срцев удар. Имено, болка во градите налик на жиговина, предизвикана е од недостаток на доток на крв во срцето, што се случува во текот на срцевиот удар, предупредуваат лекарите.
- НЕПРИЈАТНОСТ ВО АБДОМИНАЛНАТА ШУПЛИНА (СТОМАЧНА НЕРВОЗА)
Симптомите на срцев удар понекогаш може да имитираат желудочни проблеми како што се мачнина, повраќање или општа вознемиреност на гастроинтестиналниот тракт, особено кај жените.
- НЕЛАГОДНОСТ ВО ПОДРАЧЈЕТО НА ГРЛОТО, ВРАТОТ ИЛИ ВИЛИЦАТА
Необјасниво чувство на нелагодност во вратот или вилицата, или стегање на грлото кое никогаш претходно не сте го почувствувале, може да укажува на срцев удар и треба веднаш да контактирате лекар.
- ВПЕЧАТОК ДЕКА НЕШТО НЕ Е ВО РЕД
Пациентите со срцев удар на своите лекари, често им пријавуваат дека ги мачи чувство на пропаст – како ништо околу нив да не е како што треба да биде. Слушајте го тој глас во својата глава.
